Xəbərlər

Vətəndaş və İnkişaf Partiyasının (VİP) prezidentliyə namizədi Əli Əliyevin seçki qərargahı elan olunub.

ERtv-yə bu barədə məlumat VİP mətbuat xidmətindən daxil olub.

Məlumata görə, Vətəndaş və İnkişaf  Partiyası Siyasi Şurasının iclası keçirilib. İclasda ölkədəki ictimai-siyasi vəziyyət, VİP-in prezident seçkilərinə hazırlıq istiqamətində fəaliyyəti və cari məsələlər müzakirə olunub.

İclasda VİP sədri, prezidentliyə namizəd Əli Əliyevin seçki qərargahı yaradılması ilə bağlı qərar qəbul olunub. VİP Siyasi Şurasının üzvü Bilur Hümbətov Ə.Əliyevin seçki qərargahının sədri təyin edilib. 

Mərkəzi Seçki Komissiyasının (MSK) qərarına əsasən, Azərbaycanda növbəti prezident seçkiləri 2013-cü il oktyabrın 9-da keçiriləcək.

VİP sədri Ə.Əliyev prezident seçkilərində namizədliyini ilk dəfə irəli sürüb.