Xəbərlər

Suriyada hökumət qüvvələri ilə üsyançılar arasında davam edən döyüşlər fonunda əhali gün keçdikcə daha çox humanitar yardıma ehtiyac duyur.

ERtv  xarici mətbuta istinadən xəbər verir ki, ötən gün ilk dəfə Suriyanın Türkiyə ilə sərhəd bölgələrinə rekord həcmdə humanitar yardım azuqələri gətirilib.

Böyük Britaniyadan yola düşən 75 avtomobildən ibarət konvoy, ümumilikdə, 7.5 milyon avro dəyərindədir.

Konvoyun tərkibində, həmçinin zibilyığan traktorlar, yanğınsöndürən avtomobillər və təcili tibbi yardım maşınları da Suriyaya daxil olacaq. Təşkilatşıları bildiriblər ki, yardım kampaniyasına təkcə müsəlmanlar deyil, eyni zamanda, xristianlar və digər dinlərin tərəfdarları, hətta, dindar olmayan insanlar da qoşulublar.