Xəbərlər

Qax rayonunda daxili imkanlar hesabına həyəta keçirilən layihələrdə 500 nəfərdən çox insan işlə təmin olunub.

ERtv-nin bölgə müxbiri Rayon  tikinti və memarlıq şöbəsinə istinadən bildirir ki, digər tikinti işlərində də yüzlərlə insan işlə təmin olunub.

Belə ki, Rayon Təhsil şöbəsinin inzibati binasının, Əlibəyli kənd xəstəxanasının, Güllük kənd həkim məntəqəsinin, rayon Baytarlıq idarəsinin inzibati binasının tikintisi artıq başa çatdırılıb.

Hazırda Kürmük çayı üzərində 730 paqon metr uzunluğunda körpüdə, şəhərdə “Heydər Əliyev” Mərkəzində və İdman Olimpiya Kompleksində son tamamlama işləri aparılır. Həmçinin Fövqəladə Hallar Nazirliyi Qax rayon Dövlət Yanğından mühafizə hissəsinin yeni inzibati binasında, “El Resort” hotel kompleksi ərazisində yeni 4 mərtəbəli korpusda, Qaxbaş kəndi ərazisində 9 mərtəbəli yaşayış binasında, Qarabağ əlilləri və şəhid ailələri üçün tikilən 4 mərtəbəli 36 mənzilli yaşayış binasında tikinti işləri davam etdirilir və ümumilikdə 2 min nəfərə yaxın insan müxtəlif işlərə cəlb olunub.