Xəbərlər

“Topaz” Premyer-liqasının 2013/2014-cü il mövsümünə start verilib.

ERtv xəbər verir ki, çempionatın açılışında “Bakı” və “Qəbələ” klubları üz-üzə gəlib. Bölgə komandası matçda 2:1 hesabı ilə qələbə qazanıb.

Oyunun 11-ci dəqiqəsində Mindauqas Kalonas çempionatın ilk qolunu vuraraq “Bakı”nı hesabda irəli çıxardıb. “Qəbələ” yalnız 61-ci dəqiqədə hesabda tarazlıq yaratmağa müvəffəq olub. Viktor Mendi fərqlənib. Bu futbolçu 81-ci dəqiqədə hesabına daha bir qol yazdıraraq komandasına qələbə gətirib.