Xəbərlər

Balakən Aviasiya Mərkəzi gənclərin vətənpərvərlik ruhunda böyüməsi üçün öz qapılarını gənclərin üzünə açacaq.

“İrəli” İctimai Birliyinin nəzdində fəaliyyət göstərən ekstrim klubu Mərkəzdə paraşütlə tullanma təlimlərinə başlayır.
 
Bu barədə ERtv-yə Balakən Rayon İcra Hakimiyyətindən məlumat verilib.

Bildirilir ki, “İrəli” İctimai Birliyinin təşəbbüsü ilə avqust ayının 10-dan başlayaraq iki gün ərzində Balakən Aviasiya Mərkəzində paraşütlə tullanma üzrə nəzəri və təcrübi təlimlər keçiriləcək. Məlumatda o da qeyd edilir ki, təlimlərə qatılan və uğurla iştirak edən müdavimlər Aviasiya Mərkəzi mütəxəssislərinin rəyindən sonra təyyarədən paraşütlə tullanmaq imkanı əldə edəcək.

Təlim müddətində iştirakçılara rayonun tarix-memarlıq və görməli yerlərinə ekskursiyalar təşkil olunacaq.