Xəbərlər

İsmayıllıda iki uşağın üstünə qaynar su tökülərək onların ölümünə səbəb olub.

ERtv xəbər verir ki, bu barədə Daxili İşlər Nazirliyinin (DİN) mətbuat xidmətindən məlumat verilib.

Nazirlikdən bildirilib ki, iyul ayının 26-da İsmayıllı rayonunun Gəraybəyli kəndində yaşayan azyaşlı Nəzrin Axundlunun üstünə qaynar su tökülüb.

Analoji hadisə bir gün sonra Əhən kəndində baş verib. Azyaşlı Zöhrə Şərifovanın da üstünə qaynar su tökülüb.

Xəstəxanaya yerləşdirilən hər iki uşaq 1 həftə müalicə alıblar. Lakin onlar bütün cəhdlərə baxmayaraq, dünən müalicə aldıqları xəstəxanada vəfat ediblər.