Xəbərlər

ABŞ Hərbi Hava Qüvvələri (HHQ) Nazirliyinə qadın başçılıq edə bilər.

ERtv Rusiya mətbuatına istinadən xəbər verir ki, bu barədə Ağ evin məlumatında bildirilir.

Xəbərə görə, prezident Barak Obama bu vəzifəyə müdafiə korporasiyasının top-meneceri Deboru Li Ceymsin namizədliyini irəli sürmək niyyətindədir.

ABŞ HHQ naziri Pentaqonda mülki vəzifədir. Namizədlər prezident tərəfindən irəli sürülür, Senat tərəfindən təsdiqlənir və o, müdafiə nazirinə tabe olur.

Nazirlik rəhbəri əsasən təchizat və fəaliyyətin maliyyələşdirilməsi məsələlərinə cavabdehlik edir.