Xəbərlər

Naməlum yaraqlılar ötən gecə Livan paytaxtı yaxınlığındakı Baabda ərazisini atəşə tutublar.

ERtv-nin İTAR-TASS-a istinadən verdiyi xəbərə görə, sözügedən ərazidə prezident sarayı, ölkənin müdafiə nazirliyi və Livan ordusunun baş qərargahı yerləşir.

Məlumatı Naxarnet informasiya agentliyi yayıb.

Yaraqlıların atdığı raketlərdən biri dövlət başçısının sarayının 100 metrliyinə düşüb, digər ikisi isə müdafiə nazirliyi kompleksinin yaxınlığına atılıb.  

Atılan raket atəşlərindən hərbçilərin və dinc sakinlərin yaralanması və ya həlak olması barədə xəbər yoxdur.