Xəbərlər

Tanınmış kino və televiziya rejissoru, ssenari müəllifi, aktyor əməkdar incəsənət xadimi Ələkbər Muradov vəfat edib.

Ertv xəbər verir ki, “Güllələnmə təxirə salınır”, “Sonuncu dərviş” və bir sıra bədii filmlərin, eləcə də onlarca sənədli filmin rejissoru olan Ə.Muradov 3 il idi ki, xərçəng xəstəliyindən əziyyət çəkirmiş.

Ələkbər Yunus oğlu Muradov 1948-ci il avqustun 1-də Bakıda anadan olub. Azərbaycan Neft Kimya İnstitutunda, daha sonra Moskvada Ümumittifaq Dövlət Kinematoqrafiya İnstitutunun kinooperatorluq fakültəsində təhsil alıb. 40-dan çox filmdə rejissor, operator olub.

“Azərbaycanfilm” kinostudiyasında, AzTV-nin “Ekran” Yaradıcılıq Birliyində çalışıb. Bir müddər Lider TV-də və İctimai TV-də işləyib.

Allah rəhmət etsin!