Xəbərlər

Şamaxı rayonunda eyni gündə iki zəlzələ hadisəsi baş verib.

AMEA Respublika Seysmoloji Xidmət Mərkəzindən ERtv-yə verilən xəbərə görə, ilkin zəlzələ bu gün  saat 10:21-də Pirquludan 11 km cənubda qeydə alınıb.

3.10 maqnitudada, 6 km dərinlikdə baş verən zəlzələ Şamaxıda 3.0 bala qədər hiss olunub.

Növbəti zəlzələ isə saat 11:56-da Şamaxıda Pirquludan 11 km cənubda qeydə alınıb.

Yeraltı təkanların maqnitudası 3, dərinliyi 9 km olub. Zəlzələ Şamaxıda 3.0 bala qədər hiss olunub.

Hər iki zəlzələ hadisəsi nəticəsində tikililərdə dağıntılar yoxdur.