Xəbərlər

Azərbaycanda bazarlar ləğv olunmayacaq.

Sadəcə olaraq adı dəyişdirilərək “kolxoz bazarları” sözü əvəzinə, “kənd təsərrüfatı məhsullarının satış bazarı” adlandırılacaq.

ERtv-yə bu barədə Kənd Təsərrüfatı Nazirliyinin Bitkiçilik məhsullarının istehsalı, emalı və ərzaq ehtiyatlarının dövlət tənzimlənməsi şöbəsinin müdiri Sabir Vəliyev bazarların ləğv olunması ilə bağlı yayılan xəbərlərə aydınlıq gətirərkən deyib.

O, bildirib ki, Kənd Təsərrüfatı Nazirliyi əksinə, bazarların artırılması təşəbbüsünün tərəfdarıdır:

“Biz həmçinin yerlərdə tədarük-satış məntəqələrinin yaradılmasını təklif edirik. Belə ki, fermerlər məhsullarını bazarlara gətirənə qədər əziyyət çəkirlər. Belə tədarük məntəqələri fermerlərdən məhsullarını elə orda alacaq. Bununla da fermerlər əziyyətdən azad olacaqlar”.

Bildirək ki, ümumiyyətlə, bazarların ləğv olunması ilə Kənd Təsərrüfatı Nazirliyi məşğul ola bilməz. Çünki bazarlar hazırda icra hakimiyyətlərinin ixtiyarındadır.