Xəbərlər

Fransada güclü külək və yağışla müşayiət olunan qasırğa ölkənin cənub və şimal departamentlərində böyük dağıntılar törədib. Aramsız yağan yağışlar nəticəsində çaylarda suyun səviyyəsi bir saat ərzində 30 millimetr qalxıb.

ERtv-nin verdiyi xəbərə görə, daşqınlar 7 nəfərin həyatına son qoyub, 3 nəfər isə ağır yaralanıb.

Güclü qasırğa ağacları kökündən çıxarıb, elektrik dirəklərini aşırıb.

Ölkənin cənubunda 39 min, şimalında isə 11 min ev bir neçə gün işıqsız qalıb.

Qasırğa Normandiya, Aveyron, Puatu-Şarant regionlarına daha çox ziyan vurub.
Kurort şəhəri olan Nis də böyük dağıntılara məruz qalıb.

Qasırğa bu şəhərdə 14 min mənzili işıqsız qoyub, evlərin dam örtüyünü uçurub, hətta dənizdə suyun səviyyəsi qalxaraq məşhur İngiltərə bulvarını da basıb.