Xəbərlər

Bu gün Mərkəzi Seçki Komissiyasında dairə seçki komissiyalarının (DSK) sədrləri üçün keçirilən seçki hüquqları üzrə ixtisaslaşdırılmış kurs davam edir.

Baş prokurorun birinci müavini Rüstəm Usubov kursda “Seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri” mövzusunda çıxış edib.

Rüstəm Usubov çıxışında deyib ki, 26 iyun - Silahlı Qüvvələr Günü keçirilən hərbi paradda iştirak edib:

“İnanın ki, insan o hərbi parada Vətəninə görə böyük qürur hissi keçirib. Hamının yadındadır ki, 1992-ci ildə hərbi texnikalarımız hansı səviyyədə idi. İndi “Azadlıq” meydanında ən müasir hərbi texnikalar nümayiş etdirildi.

Qırıcı təyyarələri idarə edənlər də bizim pilotlardır. Hər birinin 25-26 yaşı vardı. Ancaq sovet dövründə bizi texnikaya yaxın buraxmırdılar.

Bizi yalnız “stroybat”a, mətbəxdə işləməyə göndərirdilər. İndi hər birimiz ordumuzla fəxr edirik”.