Xəbərlər

Ermənistandan miqrasiyanın həcmi yüksək həddə çatıb: cari il ərzində ölkədən təkcə hava yolu vasitəsilə 39 min 897 nəfər miqrasiya edib.

ERtv xəbər verir ki, bu barədə Ermənistanın “Joqovurd” qəzeti yazıb.

Nəşr qeyd edir ki, ötən günlərdə Ermənistanın Mülki Aviasiya Baş İdarəsi bu ilin birinci yarısında hava yolu ilə sərnişin axını üzrə statistik göstəriciləri dərc edib.

Beləliklə, “Zvartnots” aeroportundan 363,099 nəfər gedib və 330,484 nəfər gəlib, “Şirak” hava limanında isə bu göstərici müvafiq olaraq 19,693 və 12,339 nəfər təşkil edib.

“Və bu yalnız hava yolu ilədir, eyni zaman Ermənistandan əksəriyyəti avtobusla miqrasiya edir”, - deyə “Joqovurd” yazıb.

Nəşrin mənbələrinə əsasən, Ermənistan hakimiyyəti istənilən yolla bu kədərli məlumatların dərcinin qarşısını almağa çalışır. Heç təsadüfi deyil ki, bu məlumatı Milli Statistika Xidməti açıqlamayıb.