Xəbərlər

İsrail və Fələstinin nümayəndə heyətləri Vaşinqtonda ABŞ-ın dövlət katibi Con Kerri ilə birgə şam etmək üçün görüşüblər.

ERtv BBC-yə istinadən xəbər verir ki, bu, İsrail və Fələstin hakimiyyətləri arasında üç il ərzində ilk birbaşa danışıqlardır.

Bunadək Kerri ədliyyə naziri Sipi Livninin rəhbərlik etdiyi İsrail nümayəndə heyəti və danışıqların əsas aparıcısı Sayeb Erekatın rəhbərlik etdiyi Fələstin nümayəndə heyəti ilə ayrılıqda görüşlər keçirib.

ABŞ Dövlət Departamentinin məlumatına görə, hazırda tərəflər yaxın aylarda aparılacaq danışıqlar planını müzakirə edirlər. Ölkə prezidenti Barak Obama danışıqların bərpa olunmasını alqışlayıb.