Xəbərlər

“Təhrik Taliban-i-Pakistan” radikal hərəkatının (“Pakistan talibləri hərəkatı”) nümayəndələri bu gün Pakistanın şimal-şərqindəki Dera-İsmayıl-Xan şəhərindəki həbsxanaya hücum nəticəsində təqribən 300 məhbusu azad etdiklərini bəyan ediblər.

ERtv RİA Novosti-yə istinadən xəbər verir ki, yerli hakimiyyətin məlumatına görə, təhlükəsizlik qüvvələri ilə taliblər arasında silahlı toqquşma nəticəsində dörd nəfər, o cümlədən 3 mülki şəxs xəsarət alıb.

İnsident çərşənbə axşamı gecə baş verib. Taliblər “Taliban” və digər terror qruplaşmalarının təqribən 40 xüsusi təhlükəli iştirakçıları ilə birgə 5 min dustağın saxlandığı həbsxanaya hücum ediblər.

Onlar əvvəlcə təcridxanaya gedən elektrik enerjisini kəsiblər. Daha sonra həbsxana hasarı boyunca 15 partlayış törədərək minaatanlardan və ağır pulemyotlardan mühafizəçilərə atəş açmağa başlayıblar.