Xəbərlər

İyulun 28-də Belarusun Babiniçi kəndindən keçən Orşa-Moqilyev şosesində ağır yol qəzası qeydə alınıb.

ERtv “Arqumentı i faktı” nəşrinə istinadən xəbər verir ki, “Opel Omega”nın qarşıdan gələn “Mercedes Sprinter” markalı mikroavtobusla toqquşması nəticəsində 9 nəfər dünyasını dəyişib, daha 10 nəfər xəsarət alıb.

Ölənlər arasında 4 ukraynalı, 4 özbək və 1 azərbaycanlı var. Həmyerlimiz 4 özbəklə “Opel Omega”da olub. Sərnişinlər avtobusdan Belarus Fövqəladə Hallar Nazirliyinin xüsusi texnikası vasitəsilə çıxarılıb. Avtomobildə ümumilikdə 14 nəfər olub.

İlkin məlumatlara görə, qəzaya hərəkət zolağının qarşı tərəfinə çıxan “Opel”in sürücüsü səbəb olub.