Xəbərlər

Suriyada Homs şəhərinin terror qruplaşmalarından azad edilməsi üzrə əməliyyat son mərhələyə qədəm qoyub.

ERtv “Vesti.ru”ya istinadən xəbər verir ki, bu barədə Xalidiyə rayonunda aparılan hərbi əməliyyatlarda iştirak edən zabitlərdən biri məlumat yayıb.

Suriya hökumətinə qarşı mübarizə aparan müxalifət tərəfdarlarının əsas bazası və silah anbarı 1265-ci ildə məmlüklər tərəfindən inşa olunan Xalid ibn əl-Valid məscidində olub. Məscidə hücum edən Suriya əsgərləri onun üzərinə milli bayraq sancıblar.

Homs Suriyanın paytaxtı Dəməşqdən 165 kilometr şimalda yerləşir və ölkənin ən böyük üçüncü şəhəridir. Onun uğrunda mübarizə hər iki tərəf üçün rəmzi mahiyyət daşıyırdı. Barışmaz müxalifət onu “inqilabın paytaxtı” adlandırırdı.