Xəbərlər

Birləşmiş Millətlər Təşkilatı Suriyada kimyəvi silahdan istifadənin araşdırılması ilə bağlı rəsmi Dəməşqlə razılığa gəldiyini bəyan edib.

ERtv-nin verdiyi xəbərə görə, bu barədə  “Euronews” telekanalı məlumat verib.

Məlumata əsasən, BMT-nin xüsusi nümayəndə heyəti Dəməşqə səfər edərək xarici işlər naziri Valid əl-Muallim ilə danışıqlar aparıb.

Danışıqlarda razılıq əldə olunduqdan sonra kimyəvi silahdan istifadə ilə bağlı təhqiqat qrupunun rəhbəri Eyk Selström və təşkilatın tərksilah məsələləri üzrə ali nümayəndəsi Ancela Keyn Suriyaya yola düşüblər.

BMT-nin son hesabatına görə, Suriyada münaqişə başlayandan bəri həlak olanların sayı 100 mini ötüb.