Xəbərlər

Bu ilin birinci yarısında Azərbaycan 1 mlrd. 343 mln.249 min dollar məbləğdə maşın, mexanizm, elektrik aparatları, avadanlıqlar və onların hissələrini idxal edib.

ERtv-nin Dövlət Gömrük Komitəsinin statistikasına əsasən verdiyi xəbərə görə, bu məhsulların idxalı ötən ilin eyni dövrü ilə müqayisədə 7.50% artıqdır.

İlin birinci yarısında idxal olunan maşın, mexanizm, elektrik aparatları, avadanlıqlar və onların hissələri Azərbaycanın bu dövrdəki idxalının 25.96%-ni təşkil edib.

Hesabat dövründə idxal olunan nəqliyyat vasitələri və onların hissələri isə 780 mln. 544 min dollar məbləğdə olub. Bu məhsulların idxalı ötən ilin eyni dövründən 28.18% artıqdır.

Altı ay ərzində idxal olunan nəqliyyat vasitələri və onların hissələri Azərbaycanın bu dövrdəki ümumi idxalının 15.08%-ni təşkil edib.