Xəbərlər

Zaqatala rayonunda aqrar sektorda son illərdə həyata keçirilmiş məqsədyönlü tədbirlər sayəsində kənd təsərrüfatı məhsullarının istehsalı 3,4 milyon manat artıb.

ERtv-nin bölgə müxbiri Rayon İcra Hakimiyyətinə istinadən bildirir ki, aqrar sektorda əldə olunan artım əvvəlki illə müqayisədə 13,3 faiz artaraq 29,4 milyon manata çatıb.

Rayonda “2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı”nın icrası ilə bağlı yeni layihələr həyata keçirilir, əkin sahələri artırılır.

Kənd təsərrüfatı işlərinin aqrotexniki müddətlərdə və keyfiyyətlə icra edilməsi məqsədi ilə cari ildə 608 ədəd texnikadan istifadə edilərək rayonda 30 985 hektar əkin sahəsində becərmə işləri aparılıb. 14 617 hektar sahədə isə yazlıq bitkilər əkilib.

Ondan 5902 hektar sahədə qarğıdalı, 127 hektar sahədə paxlalılar, 436 hektar sahədə tütün, 308 hektar sahədə dən üçün günəbaxan, 1521 hektar sahədə kartof, 2095 hektar sahədə tərəvəz, 779 hektar sahədə bostan bitkiləri əkilib.

Fermer və fərdi təsərrüfatlardan toplanan məhsul yerli və mərkəzi bazarlara çıxarılır.