Xəbərlər

Bu gün Mərkəzi Seçki Komissiyası (MSK) tərəfindən dairə seçki komissiyalarının (DSK) sədrləri üçün keçirilən kursda Konstitusiya Məhkəməsinin sədri Fərhad Abdullayev məruzə oxuyub.

Fərhad Abdullayev deyib ki, Azərbaycan Konstitusiyasını qəbul edərkən, öz prioritetlərini müəyyənləşdirib.

Biz Avropa Konvensiyasına qoşulmuşuq və ümumiyyətlə, Azərbaycan öz gələcəyini müəyyənləşdirən mühüm beynəlxalq qanunlara imza atıb.

Fərhad Abdullayev bildirib ki, biz bu proseslərdə biliklərimizi rəhbər tutmalıyıq və seçkilərdə dürüstlüyün təmin olunmasına çalışmalıyıq:

“Konstitusiya Məhkəməsində bir neçə dəfə seçkilərlə bağlı icraatda işlər olub. Seçkilərin nəticələrinin Konstitusiya Məhkəməsi tərəfindən elan olunması çox vacibdir və əhəmiyyətlidir.

Vətəndaşlar bilməlidirlər ki, onların şikayətləri dərhal məhkəmə tərəfindən baxıla bilir. Bu da insan hüquq və azadlıqlarının təmin olunması baxımından mühüm amildir.

Seçkilərin gözəl keçirilməsi dünya birliyinə ölkəni yaxşı mənada nümayiş etdirilməsi baxımından çox gözəl imkandır”.