Xəbərlər

Zaqatalada rayon Hərbi Prokurorluğunun, rayon Polis şöbəsinin və Qaz İstismar Sahəsinin yeni inzibati binalarının tikintisi artıq başa çatdırılıb.

Rayon İcra Hakimiyyətindən ERtv-yə verilən məlumata əsasən, Zaqatala şəhərində 500 nömrə tutumluq elektron ATS binasının, Yeni Suvagil və Göyəm kəndində sahə baytarlıq məntəqələrinin tikinti işləri davam etdirilir.

Hazırda Milli Təhlükəsizlik Nazirliyinin rayon şöbəsinin, rayon Maliyyə İdarəsinin inzibati binalarının, Azərbaycan Müəllimlər İnstitutunun Zaqatala filialınının və “Araz” hazırlıq kurslarının binalarının tikintisi aparılır.

Eyni zamanda Zilban kəndində daxili imkanlar hesabına yeni tibb məntəqəsi tikilir, Danaçı kənd xəstəxanası cari təmir olunur, Qandax kəndində Yaponiya səfirliyinin maliyyə dəstəyi ilə inşa edilməsi nəzərdə tutulan yeni tibb məntəsinin tikintisi üçün torpaq sahəsi ayrılıb.

Zaqatala şəhərində Heydər Əliyev Mərkəzi üçün yeni binanın, Yuxarı Tala kənd 2 saylı tam orta məktəbin yerində yeni 450 şagird yerlik məktəb binasının tikintisinə başlanılıb.