Xəbərlər

“Darvin bankası” yatağında üç yeni quyunun qazılmasına başlanıb.

ERtv Dövlət Neft Şirkətinə istinadən xəbər verir ki, geoloqların hesablamalarına əsasən, quyuların hər birindən sutkada 6 ton neft hasil olunacağı nəzərdə tutulur.                                                             

Belə ki, yataqdakı 670 nömrəli özüldən Qirməki Altı Lay Dəstəsinə qazılan 671 nömrəli quyunun layihə dərinliyi 1470 metrdir.

“Darvin bankası” yatağındakı 620 nömrəli özüldən Qirməki Lay Dəstəsinə qazılan 690 nömrəli quyunun layihə dərinliyi isə 1440 metrdir.

720 nömrəli özüldən 834 nömrəli quyunun da qazma işləri davam etdirilir. Qirməki Altı Lay Dəstəsinə qazılan quyunun layihə dərinliyi 1500 metrdir.

Quyularda qazma işləri “Neft Daşları” NQÇİ-nin sifarişi ilə “Neft Daşları” Qazma İşləri İdarəsi tərəfindən həyata keçirilir.