Xəbərlər

Bu ilin yanvar-iyun ayları ərzində Azərbaycan xarici ölkələrə 91 mln. 371 min dollar məbləğdə meyvə-tərəvəz ixrac edib.

ERtv-nin Dövlət Gömrük Komitəsinə istinadən verdiyi xəbərə görə, bu ilin altı ayında ixrac olunan meyvə-tərəvəz ötən ilin eyni dövründən  2.07 % çox olub.

Hesabat dövründə Azərbaycan çay ixracını da artırıb. Belə ki, ilin birinci yarısında 20 mln.227 min dollar məbləğdə çay ixrac olunub ki, bu da ötən ilin eyni dövründən 6.13 % artıqdır.

İlin birinci yarısında bitki və heyvan mənşəli piy və yağların ixracında artım daha çox müşahidə olunub. Bu dövrdə  həmin məhsulların həcmi 116 mln.168 min dollar təşkil edib ki, bu da ötən ilin eyni dövründə ixrac olunan məbləğdən 11.64% çoxdur.

Hesabat dövründə Azərbaycanın ixrac etdiyi şəkərin həcmi122 mln. 901min dollar təşkil edib. Bu göstərici isə ötən ilin eyni dövründən 37.89% artıqdır.