Xəbərlər

Tələbə Qəbulu üzrə Dövlət Komissiyasının (TQDK) sədri Məleykə Abbaszadə abituriyentlərə müraciət edərək onları ixtisas seçimində diqqətli olmağa çağırıb.

ERtv-nin məlumatına görə, komissiya sədri bildirib ki, əks təqdirdə abituriyentlərin bəziləri bunun acı nəticələri ilə qarşılaşa bilərlər.

“Sənəd qəbulu zamanı bir çox hallarda abituriyentlər ya diqqətli olmur, ya da ixtisas seçimini, sənədlərin doldurulmasını başqa şəxslərə həvalə edirlər. Nəticədə isə səhvlərə yol verilir ki, sonra da abituriyentlər ya istədikləri ixtisasa yiyələnə, ya da ümumiyyətlə, ali məktəbə daxil ola bilmirlər. Bəzi hallarda isə sənədləri düzgün doldurmadıqlarına görə imtahana belə buraxılmırlar.

Ona görə də yaxşı olardı ki, abituriyentlər ixtisas seçimini, sənədlərin doldurulmasını özləri və yaxud da valideynləri ilə birgə aparsınlar, kənar insanlara etibar etməsinlər” - deyə, TQDK sədri vurğulayıb.