Xəbərlər

Qəbul imtahanlarında yüksək bal toplayan abituriyentlərin sayı getdikcə artmaqdadır.

ERtv xəbər verir ki, bunu Tələbə Qəbulu Üzrə Dövlət Komissiyasının (TQDK)  sədri Məleykə Abbaszadə deyib.

Onun sözlərinə görə, bu özünü həm də ali hərbi məktəblərə qəbulda göstərir.

“Belə ki, bu il Daxili İşlər Nazirliyinin Polis Akademiyasına qəbul üçün sənəd verən abituriyentlərdən 135 nəfər 500, 35 nəfər 600 baldan yuxarı nəticə göstərib. Bundan başqa Milli Təhlükəsizlik nazirliyinin Akademiyasına qəbul üçün sənəd verən abituriyenntlərdən 33 nəfər 500-dən, 12 nəfər isə 600-dən çox bal toplayıb.

Eyni zamanda, Fövqəladə Hallar Nazirliyində işləmək üçün sənəd verən abituriyentlərdən 12 nəfər 500, 2 nəfər isə 600 baldan yuxarı nəticə göstərib”.