Xəbərlər

Fransa parlamenti iyulun 25-də respublika prezidentinə qarşı kobudluğa görə məsuliyyət nəzərdə tutan 1881-ci il qanununun ləğvinə səs verib.

ERtv Rusiya mətbuatına istinadən xəbər verir ki, qanunun qəbul olunmasınadək dövlət başçısı bütün vətəndaşlara qarşı münasibətdə imtiyazlı vəziyyətdə idi.

Onun ünvanına istənilən kobudluq birbaşa qanun pozuntusu hesab olunurdu. Bundan sonra isə təhqir olunmuş prezident böhtan və ya diffamasiya faktını məhkəmədə sübut etməli olacaq.

Qanun İnsan Haqları üzrə Avropa Məhkəməsinin qərarından sonra qəbul olunub. Qərara görə, Fransa nümayiş zamanı prezident Nikolya Sarkoziyə ünvanlanan “Kənara çəkil, səfeh!” yazılı plakata görə etirazçını cərimə etməklə nümayişçinin hüquqlarını pozub.