Xəbərlər

Dövlət Neft Fondu 2013, 2014 və 2015-ci illər üzrə maliyyə fəaliyyətinin auditini keçirmək məqsədi ilə Azərbaycanın “Dövlət satınalmaları haqqında” qanunvericiliyinə uyğun olaraq xidmət təkliflərinin cəlb olunması prosedurunu keçirib.

Fonddan ARtv-yə verilən məlumata görə, xidmət təklifləri sorğusuna əsasən Azərbaycanda fəaliyyət göstərən beynəlxalq auditor təşkilatları tərəfindən təqdim olunmuş təkliflərin qiymətləndirilməsi nəticəsində, ən münasib təklif vermiş “Price Waterhouse Coopers” şirkəti müsabiqənin qalibi müəyyən edilib.

Bununla da, Dövlət Neft Fondu haqqında Əsasnaməyə uyğun olaraq, Azərbaycan Prezidenti tərəfindən Fondun 2013, 2014 və 2015-ci illər üzrə maliyyə fəaliyyətinin auditini keçirmək üçün həmin şirkət auditor təyin edilib.