Xəbərlər

Bu barərə “Vaşinqton post” qəzeti yazıb.

ERtv-nin sözügedən nəşrin məlumatına istinadən verdiyi xəbərə görə, ABŞ-ın Mərkəzi Kəşfiyyat İdarəsi (MKİ) Amerika əsgərlərinin 2001-ci ildən döyüşdüyü Əfqanıstanda məxfi bazalarını bağlayır.

MKİ-nin bu ölkədəki bazalarının sayı qarşıdan gələn iki il ərzində12-dən 6-ya çatdırılacaq. MKİ-nin Əfqanıstanda fiziki iştirakının ixtisar edilməsi nümayəndələri amerikalılar tərəfindən axtarılan “əl-Qaidə” terrorçu təşkilatının törətdiyi təhlükənin xeyli azalması ilə bağlıdır.

İndi “əl-Qaidə” Pakistanda fəaliyyət göstərir, onun yüksək rəhbərliyinin sıraları isə ABŞ-ın 12 illik səyləri sayəsində xeyli seyrəlib. ABŞ-ın rəsmi şəxsləri vurğulayıblar ki, MKİ Amerika qoşunlarının çıxarılacağı 2014-cü ildən sonra da bu ölkədəki güclü mövqeyini qoruyub saxlayacaq.

Bundan əlavə, MKİ öz strategiyasını əsaslı şəkildə dəyişdirib və hazırda agenturaya deyil, Əfqanıstan və Pakistanın səmasına nəzarət edən, ehtimal olunan terrorçuları məhv edən pilotsuz zərbə uçuş aparatlarına arxalanır.

ABŞ qoşunlarını Əfqanıstandan necə çıxaracağını hələ müəyyən etməyib. Əsas ssenari hazırda 65 min nəfərdən ibarət olan Amerika kontingentinin sayının azaldılaraq 2014-cü ildən sonra 10 minə çatdırılmasını nəzərdə tutur. Lakin ABŞ Əfqanıstan Prezidenti Həmid Kərzai ilə fikir ayrılıqlarından sonra bu ilin iyulunda bildirib ki, “sıfır variantı” tətbiq ediləcək, əvvəllər nəzərdə tutulduğu kimi azsaylı çevik kontingent saxlanılmayacaq, qoşunlar tam çıxarılacaq.