Xəbərlər

Rejissor Rodion İsmailovun “Моя родня” (“Qohumlarım”) filmi Sarajevo Film Festivalında nümayiş olunacaq.

Rejissorun ERtv-yə verdiyi məlumata əsasən, festival avqustun 16-dan 24-dək keçiriləcək.

Film Azərbaycan və Rusiya mədəniyyətlərinin bir-birinə sıx bağlanma tarixindən bəhs edir.

Sənədli film bütövlükdə Azərbaycanın Tovuz rayonunun Köhnəqala kəndində çəkilib.

On yaşlı rus qızı Lolita atasının qohumları ilə tanış olmaq üçün ilk dəfə Azərbaycana gəlir. O, azərbaycanlı qohumlarının ənənələri, mədəniyyəti və adətləri barədə daha çox şey öyrənmək istəyir. Onun Azərbaycanla ilk tanışlığı bu sənədli filmin süjet xəttidir.