Xəbərlər

Bazar günü İraqda törədilən silsilə partlayışlar nəticəsində ən azı 18 nəfər dünyasını dəyişib.

ERtv Frans Press-ə istinadən xəbər verir ki, ən qanlı hadisə silahlıların Kərkük əyalətində “Peşmerqa” kürd hərbi qruplaşmasının blok-postuna hücumu nəticəsində qeydə alınıb.

Nəticədə 5 nəfər həlak olub. Silahlı hücumlar həmçinin Bağdad və Mosulda törədilib. Burada müvafiq olaraq dörd və iki nəfər dünyasını dəyişib. Daha yeddi nəfər İraqın müxtəlif şəhərlərində törədilən partlayışların qurbanı olub.

Bir gün əvvəl isə Bağdadda və Mədaində 14 partlayış törədilib ki, nəticədə 67 nəfər həlak olub.