Xəbərlər

İlin birinci yarısında Azərbaycan gömrük bəyannamələri üzrə 461,488 milyon dollar məbləğdə təbii qaz ixrac edib.

ERtv-in Dövlət Gömrük Komitəsinin statistikasına əsasən verdiyi xəbərə görə, bu göstərici ötən ilin eyni dövrü ilə müqayisədə 54.79% artıqdır.

Bu ilin altı ayında Azərbaycanın gömrük bəyannamələri əsasında ixrac etdiyi təbii qazın miqdarı 1 mlrd. 931 mln.346 min kubmetr həcmdə olub.

Bu il ixrac olunan təbii qaz hesabat dövründəki ümumi ixracın 3.86%-ni təşkil edib.

İlin birinci yarısında sayğac göstəriciləri əsasında isə 3 mlrd. 358 mln.731 min kubmetr miqdarda təbii qaz ixrac olunub.