Xəbərlər

Cənubi Qafqazda sülhün və təhlükəsizliyin  təminatı üçün Dağlıq Qarabağ münaqişəsi həll edilməlidir. Bu münaqişənin nizamlanması üçün isə Azərbaycanın ərazi bütövlüyü bərpa olunmalıdır. Bu sözləri Türkiyənin xarici işlər naziri Əhməd Davutoğlu Milli Məclisin sədri Oqtay Əsədovla keçirdyi görüşdə deyib.

Yüksək səviyyədə olan Azərbaycan-Türkiyə münasibətlərindən danışan Milli Məclisin sədri Oqtay Əsədov deyiki, indiyədək ölkələrimiz arasında 180-ə yaxın ikitərəfli sənəd imzalanıb. Daha 19 sənəd də imzalanma ərəfəsindədir. Spiker beynəlxalq qurumlarda Dağlıq Qarabağ münaqişəsinin həlli məsələsində Türkiyənin daim Azərbaycanın haqlı mövqeyini dəstəklədiyinə və bu problemin nizamlanmasını mütəmadi gündəmə gətirdiyinə görə təşəkkürünü bildirib. Türkiyənin xarici işlər naziri Əhməd Davudoğlu ölkəsinin bundan sonra da beynəlxalq qurumlarda Azərbaycanın haqlı mövqeyini dəstəkləyəcəyini söyləyib. O müxtəlif sahələrdə inkişaf edən əməkdaşlıq əlaqələrində parlament diplomatiyasının xüsusi rolunu vurğulayıb. İki ölkənin millət vəkilləri arasında əməkdaşlığın genişləndirilməsi üçün parlamentarilərin birgə toplantısının keçirilməsinin faydalı olacağını deyib.