Xəbərlər

Bir sıra ölkələrin dövlət başçıları Prezident İlham Əliyevə 28 May - Respublika Günü münasibətilə təbrik məktubu ünvanlayıblar.

İspaniyanın Kralı Xuan Karlosdan:

"Azərbaycanın milli bayramı münasibətilə Sizə İspaniya Hökuməti və xalqı ilə birlikdə təbriklərimi çatdırmaq istəyirəm.

Cənab Prezident, Sizə möhkəm cansağlığı, dost Azərbaycan xalqına sülh və rifah arzularımı çatdırıram".

Latviya Respublikasının Prezidenti Andris Berzinşdən:

"Latviya xalqı adından və şəxsən öz adımdan Azərbaycan Respublikasının milli bayramı münasibətilə Sizə və ölkənizin xalqına ən səmimi təbriklərimi çatdırmaqdan məmnunluq hissi duyuram.

Mən Azərbaycan Respublikasına bu yaxınlarda etdiyim rəsmi səfərimi məmnunluqla xatırlayıram. Son illər ölkələrimiz arasında münasibətlər uğurla inkişaf etmişdir. Çox şadam ki, bu münasibətlərin inkişafı dinamik şəkildə davam etməkdədir. Əminəm ki, Sizin rəhbərliyiniz sayəsində Latviya ilə Azərbaycan arasındakı əlaqələr qarşılıqlı fayda, inam və dostluq ruhunda inkişaf edəcəkdir.

Fürsətdən istifadə edərək, Zati-aliniz üçün münasib bir vaxtda Sizi Latviyaya səfərə dəvət etmək istərdim.

Zati-aliləri, xahiş edirəm ən dərin ehtiramımı qəbul edin".

Çex Respublikasının Prezidenti Miloş Zemandan:

"Azərbaycanın milli bayramı - Respublika Günü münasibətilə Sizə ən səmimi təbriklərimi çatdırıram.

Azərbaycan Respublikası ilə Çex Respublikası arasında ikitərəfli qarşılıqlı faydalı əlaqələrin dinamik şəkildə davam etməsindən çox məmnunam. Sizi əmin edirəm ki, yeni seçilmiş Prezident kimi mən qarşılıqlı maraq doğuran bütün sahələrdə əlaqələrimizin gələcək inkişafı istiqamətində işləmək istəyirəm.

Mən, həmçinin Sizi əmin etmək istəyirəm ki, Azərbaycan Respublikasına və onun xalqına böyük ehtiram və hörmət bəsləyirəm.

Çex Respublikası Azərbaycan Respublikasının yaxın dostu olaraq qalır, Avropa İttifaqı-Azərbaycan, NATO-Azərbaycan əlaqələrinin inkişafı və güclənməsinə töhfə verməyə hazırdır.

Zati-aliləri, xahiş edirəm mənim ən dərin ehtiramımı qəbul edin".

BMT-nin baş katibi Pan Gi Mundan:

"Milli bayram - Respublika Günü münasibətilə Sizə, Azərbaycan Respublikasının hökumətinə və xalqına ən səmimi təbriklərimi çatdırmaqdan çox məmnunam.

Hər bir ölkə öz mədəniyyətini, tarixini və nailiyyətlərini bayram edərkən qarşılıqlı asılılığı artan dünyamızda bizi bir-birimizə bağlayan əlaqələri dərk etmək vacibdir. Böyüklüyündən, kiçikliyindən, yaxud sərvətlərindən asılı olmayaraq, xalqlarımızın və planetimizin daha yaxşı sabahı naminə çalışmaqda bütün üzv dövlətlərin çox vacib rolu vardır.

Birləşmiş Millətlər Təşkilatı daha təhlükəsiz və sabit gələcək yaratmaq üçün əsas arenadır. Biz son illərdə çox şeyə, o cümlədən Minilliyin İnkişaf Məqsədlərinə dəstək üçün qlobal səfərbərliyə nail olmuşuq. 2015-ci ilədək hələ çox iş görülməlidir. 2015-ci il gündəliyindən sonra da yeni davamlı inkişaf məqsədlərinə nail olmaq üçün görüləsi çox iş olacaqdır.

Hamı üçün sülh, inkişaf və insan hüquqları kimi ümumi məqsədlərimiz naminə ölkənizin BMT-nin işində fəal iştirakı çox vacibdir.

Zati-aliləri, xahiş edirəm ən dərin ehtiramımı qəbul edin".

Əlcəzair Xalq Demokratik Respublikasının Prezidenti Əbdüləziz Buteflikadan:

"Azərbaycan Respublikasının milli bayramı münasibətilə Əlcəzair xalqı və hökuməti adından, şəxsən öz adımdan Zati-alinizə, Azərbaycan hökumətinə ən səmimi təbriklərimi çatdıraraq, Sizə xoşbəxtlik, Azərbaycan xalqına tərəqqi və firavanlıq diləyirəm.

Fürsətdən istifadə edərək xalqlarımızı birləşdirən dostluq və əməkdaşlıq münasibətlərinin möhkəmləndirilməsi istiqamətində Sizinlə birgə çalışmağa hazır olduğumu bildirmək istərdim.

Cənab Prezident, xahiş edirəm ən dərin ehtiramımı qəbul edin".

Oman Sultanı Qabus bin Said Al Saiddən:

"Ölkənizin milli bayramı münasibətilə Zati-alinizə səmimi təbriklərimizi çatdırmaqdan məmnunuq.

Bu fürsətdən istifadə edərək Sizə xoşbəxtlik və möhkəm cansağlığı, dost Azərbaycan xalqına davamlı tərəqqi və çiçəklənmə arzulayırıq".

Laos Xalq Demokratik Respublikasının Prezidenti Çoummali Sayasonedən:

"Azərbaycan Respublikasının milli bayramı münasibətilə Laos xalqı adından, şəxsən öz adımdan Zati-alinizə və Sizin şəxsinizdə dost Azərbaycan xalqına ən səmimi təbriklərimi və xoş arzularımı çatdırmaq istərdim.

Əminəm ki, Laos Xalq Demokratik Respublikası ilə Azərbaycan Respublikası arasında dostluq və əməkdaşlıq münasibətləri xalqlarımızın mənafeyi, eləcə də regional və qlobal sülh və əməkdaşlıq naminə bundan sonra da inkişaf edəcəkdir.

Fürsətdən istifadə edərək, Zati-alinizə möhkəm cansağlığı və ali dövləti fəaliyyətinizdə daha böyük uğurlar arzulayıram.

Zati-aliləri, xahiş edirəm ən dərin ehtiramımı qəbul edin".

Myanma İttifaqı Respublikasının Prezidenti Theyn Seyndən:

"Azərbaycan Respublikasının milli bayramı münasibətilə Zati-alinizə və Sizin simanızda Azərbaycan xalqına Myanma İttifaqı Respublikasının xalqı adından ən səmimi təbriklərimi çatdırmaq istərdim.

Mən, həmçinin Sizə möhkəm cansağlığı, xoşbəxtlik və uğurlar, Azərbaycan Respublikasının xalqına sülh və tərəqqi arzulayıram.

Zati-aliləri, xahiş edirəm mənim ən dərin ehtiramımı qəbul edin".

Dominikan Respublikasının Prezidenti Danilo Medinadan:

"Respublika Günü münasibətilə Sizə ən səmimi təbriklərimi çatdırmaqdan şərəf hissi duyuram. Gözəl xalqınıza tərəqqi və rifah arzulayıram".

Timor-Leste Demokratik Respublikasının Prezidenti Taur Matan Ruakdan:

"Azərbaycan Respublikasının müstəqillik gününün 95-ci ildönümü münasibətilə Zati-alinizə ən səmimi təbriklərimi və xoş arzularımı çatdırmaqdan böyük məmnunluq duyuram.

Ümidvaram ki, ölkələrimiz və xalqlarımız arasındakı səmimi dostluq münasibətləri qorunub saxlanacaq və daha da güclənəcəkdir.

Zati-aliləri, ən dərin ehtiramımı və Sizə cansağlığı, Azərbaycan xalqına isə böyük uğurlar diləyimi qəbul etməyinizi xahiş edirəm".

Macarıstan Prezidenti Yanoş Aderdən:

"İcazə verin, Azərbaycan Respublikasının milli bayramı münasibətilə Sizə və xalqınıza böyük hörmətlə salamlarımı çatdırım.

Macarıstan beynəlxalq birliyin nüfuzlu üzvü olan Azərbaycanın Cənubi Qafqaz regionunda sülhü gücləndirmək səylərini böyük maraqla və məmnunluqla izləyir.

Sizi əmin edə bilərəm ki, Macarıstan Azərbaycan ilə ikitərəfli əlaqələrin inkişaf etdirilməsinə və qarşılıqlı faydalı əməkdaşlıq formalarının genişləndirilməsinə hazırdır.

Hörmətli cənab Prezident, fürsətdən istifadə edərək səmimi ehtiramımı bildirmək istəyirəm".

Honduras Respublikasının Prezidenti Porfirio Lobo Sosadan:

"Azərbaycan Respublikasının müstəqilliyinin 95-ci ildönümü münasibətilə ən səmimi təbriklərimizi çatdıraraq Sizi salamlamaqdan şərəf hissi duyuram.

Fürsətdən istifadə edərək xalqınıza inkişaf və çiçəklənmə diləyimizi Zati-alinizə çatdırmaq istərdim.

Yaxın gələcəkdə hökumətinizlə həm beynəlxalq müstəvidə, həm də ikitərəfli əməkdaşlıqda daha möhkəm əlaqələrin qurulması bizim üçün çox xoş olardı.

Zati-aliləri, xahiş edirəm ən dərin ehtiramımı qəbul edin".

Şri-Lanka Demokratik Sosialist Respublikasının Prezidenti Mahinda Racapaksadan:

"Azərbaycan Respublikasının milli bayramı münasibətilə Şri-Lanka hökuməti və xalqı adından, şəxsən öz adımdan Zati-alinizə, Azərbaycan hökumətinə və xalqına ən xoş arzularımı, səmimi təbriklərimi çatdırmaqdan məmnunluq hissi duyuram.

Əminəm ki, qarşılıqlı anlaşmaya əsaslanan sıx, səmimi münasibətlərimiz və əməkdaşlığımız ölkələrimizin mənafeyi naminə daha da möhkəmlənəcəkdir.

Zati-aliləri, xahiş edirəm Sizə möhkəm cansağlığı, xoşbəxtlik, rifah, Azərbaycan xalqına isə davamlı tərəqqi və çiçəklənmə diləyimi qəbul edin".

Livan Respublikasının Prezidenti General Mişel Süleymandan:

"Azərbaycanın milli bayramı münasibətilə Livan xalqı adından və şəxsən öz adımdan Zati-alinizə ən səmimi təbriklərimi, həmçinin Sizə xoşbəxtlik və uğurlar, Azərbaycan xalqına isə çiçəklənmə diləyimi çatdırmaq istərdim".

Moldova Respublikasının sabiq Prezidenti Vladimir Voronindən:

"Sizi və bütün Azərbaycan xalqını Respublika Günü münasibətilə təbrik edirəm. Dövlətinizə firavanlıq və uğurlu inkişaf, Azərbaycan xalqına sülh və tərəqqi diləyirəm.

Son 20 ildə Azərbaycan Respublikasında müşahidə olunan müsbət dəyişikliklərin dinamikası və uzaq 1918-ci ildə qoyulmuş möhkəm təməl təkcə regionda deyil, həm də dünyada bir sıra ölkələr üçün nümunə olan müasir, inkişaf etmiş dövlətin mövcudluğunun qarantıdır. Azərbaycan Respublikasının uğurlu təşəkkülündə və mövcudluğunda bu dövlətin baniləri ilə yanaşı, onun səmərəli idarə olunmasını, habelə ölkənin sosial-iqtisadi və mədəni əsaslarının möhkəmlənməsi və inkişafı işində zəruri varisliyi təmin edən müasir rəhbərlər də böyük rol oynayır. Bununla əlaqədar, mübaliğəsiz deyə bilərəm ki, mənim müəllimim və dostum Heydər Əlirza oğlu Əliyevin Azərbaycanın dövlət quruculuğu işinə verdiyi töhfələr ən yüksək qiymətə layiqdir.

Əminəm ki, ölkənizin bundan sonrakı inkişaf yolu da uğurlu və dinamik, moldav və Azərbaycan xalqları arasında dostluq isə əbədi və sarsılmaz olacaqdır.

Hörmətli İlham Heydər oğlu, Sizə uğurlar, cansağlığı, Azərbaycan xalqının rifahı naminə bütün ideyalarınızın gerçəkləşməsini və yeni nailiyyətlər diləyirəm!"

İndoneziya Respublikasının Prezidenti Susilo Bambanq Yudhoyonodan:

"Azərbaycanın milli bayramı - Respublika Günü münasibətilə Sizə və Azərbaycan xalqına səmimi salamlarımı və təbriklərimi çatdırıram. İndoneziya xalqı da mənim təbriklərimə qoşulur.

İcazə verin, bu əlamətdar bayramın yaratdığı fürsətdən istifadə edərək bir daha bildirim ki, İndoneziya xalqlarımızın mənafeyi naminə ölkələrimiz arasında mövcud olan yaxın və səmimi münasibətlərin gələcəkdə də gücləndirilməsinə hazırdır.

Azərbaycan Respublikasına davamlı sülh və rifah arzulayıram.

Zati-aliləri, ən dərin ehtiramımı qəbul edin".

Slovakiya Respublikasının Prezidenti İvan Qaşparoviçdən:

"Ölkənizin dövlət bayramı - Respublika Günü münasibətilə təbriklərimi qəbul edin. Sizə və Azərbaycan vətəndaşlarına ölkənizin rifahı və bütün Cənubi Qafqaz regionunda təhlükəsizlik naminə bol-bol uğurlar arzulayıram.

Eyni zamanda, arzu edirəm ki, Slovakiya ilə Azərbaycan Respublikası arasında ənənəvi səmimi qarşılıqlı münasibətlər gələcəkdə konkret əməkdaşlıq layihələrində əks olunsun.

Zati-aliləri, Sizə dərin ehtiramımı bildirmək istəyirəm".

Lüksemburqun Böyük Hersoqu Anridən:

"Azərbaycanın milli bayramı - Respublika Günü münasibətilə Zati-alinizə ən səmimi təbriklərimi çatdırır, Sizə cansağlığı, Azərbaycan xalqına isə xoşbəxt gələcək arzulayıram".

Küveyt Dövlətinin Əmiri Sabah əl-Əhməd əl-Cabir əs-Sabahdan:

"Dost ölkənizin milli bayramı - Respublika Günü münasibətilə səmimi təbriklərimi Sizə bildirməkdən sevinc hissi duyuram. Bu fürsətdən istifadə edərək dost ölkələrimiz və xalqlarımız arasında davamlı əlaqələrin inkişafını, Zati-alinizə möhkəm cansağlığı və səadət, ölkənizə və xalqınıza tərəqqi və çiçəklənmə arzuladığımızı bildiririk.

Möhtərəm Prezident, səmimi salamlarımı və xoş arzularımı qəbul edin".

Misir Ərəb Respublikasının Prezidenti Məhəmməd Mursidən:

"Zati-alinizi Azərbaycanın milli bayramı - Respublika Günü münasibətilə təbrik edirəm.

Sizə və dost xalqınıza möhkəm cansağlığı, tərəqqi və çiçəklənmə arzu edirəm".

Tunis Respublikasının Prezidenti Monsef Marzukidən:

"Azərbaycan Respublikasının milli bayramı münasibətilə Zati-alinizə səmimi təbriklərimi çatdırmaqdan böyük məmnunluq hissi duyuram.

Sizə möhkəm cansağlığı və xoşbəxtlik, qardaş Azərbaycan xalqına isə davamlı tərəqqi və çiçəklənmə arzulayıram.
Dost ölkələrimizin mənafeyi naminə ikitərəfli əlaqələrimizin gücləndirilməsi və bütün sahələrdə qarşılıqlı mübadilənin genişləndirilməsi istiqamətində Sizinlə daha yaxından işləməyə ümid edirəm.

Zati-aliləri, xahiş edirəm Sizə möhkəm cansağlığı və uğurlar arzularımı qəbul edin".

Nepalın Prezidenti Ram Baran Yadavdan:

"Azərbaycan Respublikasının milli bayramı münasibətilə Zati-alinizə səmimi təbriklərimi çatdırır, Sizə cansağlığı və xoşbəxtlik, Azərbaycan xalqına isə tərəqqi və çiçəklənmə arzulayıram".

Birləşmiş Ərəb Əmirliklərinin Prezidenti Xəlifə bin Zaid Al Nəhyandan:

"Azərbaycanın milli bayramı-Respublika Günü münasibətilə Birləşmiş Ərəb Əmirliklərinin xalqı və hökuməti adından, şəxsən öz adımdan Zati-alinizə ən səmimi təbriklərimi çatdırmaqdan məmnunluq hissi duyuram. Sizə və qardaş Azərbaycan xalqına ən dərin ehtiramla xoşbəxtlik və bol-bol rifah arzulayıram".

Bosniya və Herseqovinanın Rəyasət Heyətinin Sədri Neboyşa Radmanoviçdən:

"Azərbaycanın milli bayramı - Respublika Günü münasibətilə Bosniya və Herseqovinanın Rəyasət Heyəti adından və şəxsən öz adımdan Sizə səmimi təbriklərimi çatdırmaq, ölkənizə davamlı çiçəklənmə arzulamaq mənim üçün şərəfdir.

Fürsətdən istifadə edərək əminliklə bildirirəm ki, Bosniya və Herseqovina ilə Azərbaycan Respublikası arasında dostluq əlaqələri xalqlarımızın mənafeyi və rifahı naminə gələcəkdə də inkişaf edəcəkdir.

Zati-aliləri, ən dərin ehtiramımı qəbul etməyinizi xahiş edirəm".

Mərakeşin Kralı VI Məhəmməddən:

"Azərbaycanın milli bayramı 28 May - Respublika Günü münasibətilə Zati-alinizə səmimi təbriklərimi çatdırmaqdan, Sizə cansağlığı və xoşbəxtlik arzulamaqdan böyük məmnunluq duyur, xalqınıza isə davamlı tərəqqi və çiçəklənmə diləyirəm.

Fürsətdən istifadə edərək, xalqlarımızı birləşdirən İslami qardaşlıq münasibətlərinə, həmçinin ölkələrimiz arasındakı əməkdaşlıq və həmrəylik əlaqələrinə böyük önəm verdiyimi vurğulamaq istərdim.

Xalqlarımızın və bütün müsəlman aləminin mənafeyi naminə qarşılıqlı maraqlarımıza uyğun olaraq əlaqələrimizin inkişaf etdirilməsində Zati-alinizlə birgə çalışmaqda maraqlı olduğumu bildirmək istərdim".

Malayziyanın Ali Başçısı Əl-Mutasimu Billahi Muhibbuddin Tuanku əl-Hac Abdul Halim Muadzam Şah ibni əl-Mərhum Sultan Badlişahdan:

"Azərbaycan Xalq Cümhuriyyətinin yaranmasının 95-ci ildönümü münasibətilə Zati-alinizə və Azərbaycan xalqına ən səmimi təbriklərimi çatdırıram. Malayziyanın birinci xanımı da mənim təbriklərimə qoşulur.

Əminik ki, Malayziya ilə Azərbaycan arasındakı dostluq münasibətləri gələcək illərdə də güclənəcəkdir və Azərbaycan Zati-alinizin müdrik rəhbərliyi altında daha da inkişaf edəcəkdir.

Ulu Tanrıdan Sizə və ailənizə möhkəm cansağlığı və xoşbəxtlik arzulayıram.

Zati-aliləri, ən dərin ehtiramımızı qəbul etməyinizi xahiş edirəm".

Malayziyanın Baş naziri Dato Sri Mohd Najibdən:

"Azərbaycan Xalq Cümhuriyyətinin yaranmasının 95-ci ildönümü münasibətilə Malayziya hökuməti və xalqı adından Zati-alinizə və Azərbaycan xalqına ən səmimi təbriklərimi çatdırmaqdan şərəf hissi duyuram.

Əminəm ki, Sizin müdrik rəhbərliyinizlə Azərbaycanda hər zaman sülh, tərəqqi və çiçəklənmə olacaqdır. Xalqlarımızın və ölkələrimizin mənafeyi naminə ikitərəfli əlaqələrimizin daha da güclənəcəyinə ümid edirəm.

Zati-aliləri, xahiş edirəm ən dərin ehtiramımı qəbul edin".

Birləşmiş Ərəb Əmirliklərinin vitse-prezidenti, Baş naziri və Dubayın Hökmdarı Məhəmməd bin Rəşid Əl Məktumdan:

"Azərbaycanın milli bayramı - Respublika Günü münasibətilə Birləşmiş Ərəb Əmirliklərinin xalqı, hökuməti adından və şəxsən öz adımdan Zati-alinizə ən səmimi təbriklərimi çatdırıram.

Sizə möhkəm cansağlığı, qardaş Azərbaycan xalqına firavanlıq arzu edirəm".

Qara Dəniz İqtisadi Əməkdaşlıq Təşkilatının baş katibi Viktor Tsvirkundan:

"İcazə verin, ilk növbədə, Azərbaycanın milli bayramı - Respublika Günü münasibətilə Sizə səmimi təbriklərimi çatdırım.

İnanıram ki, Qara Dəniz İqtisadi Əməkdaşlıq Təşkilatı ilə Azərbaycan Respublikası arasındakı əlaqələr daha da inkişaf edəcək və bütün Qara dəniz regionuna sabitlik və tərəqqi gətirməyə yönəlmiş bir çox maraqlı layihələrin həyata keçirilməsi ilə nəticələnəcəkdir. Bu da əməkdaşlığın bir çox vacib sahələrində ölkənizin potensialını üzə çıxarmağa töhfə verəcəkdir. Sizin rəhbərlik təcrübəniz Qara Dəniz İqtisadi Əməkdaşlıq Təşkilatı ilə Azərbaycan Respublikası arasındakı münasibətlərdə vacib amil olacaqdır.

Cənab Prezident, fürsətdən istifadə edərək Sizə ali dövləti fəaliyyətinizdə uğurlar arzulayır, ən dərin ehtiramımı çatdırıram".

Gürcüstanın Prezidenti Mixeil Saakaşvilidən:

"Respublika Günü münasibətilə Zati-alinizə və qardaş Azərbaycan xalqına ən səmimi təbriklərimi çatdırmaq istərdim.

Ölkələrimiz arasındakı ikitərəfli əlaqələrin və strateji əməkdaşlığın dinamik inkişafından məmnunluq duyuram. Ümidvaram ki, dövlətlərimiz təkcə iki ölkənin deyil, bütün regionun sülh, əmin-amanlıq və rifahının gücləndirilməsi naminə nümunəvi əməkdaşlıqlarını daha da möhkəmlədəcək və inkişaf etdirəcəklər.

Zati-aliləri, fürsətdən istifadə edərək bir daha ən dərin ehtiramımı bildirmək və Sizi bu əlamətdar bayram münasibətilə təbrik etmək istəyirəm".

Rumıniyanın Prezidenti Trayan Beseskudan:

"Azərbaycanın milli bayramı - Respublika Günü münasibətilə Rumıniya Respublikasının xalqı adından və şəxsən öz adımdan Sizə ən səmimi təbriklərimi çatdırmaqdan, Azərbaycan xalqına isə çiçəklənmə arzulamaqdan böyük məmnunluq duyuram.

Bununla bərabər, hakimiyyətiniz dövründə əldə olunan və Azərbaycan Respublikasının demokratik inkişafına, müasirləşməsinə töhfəsini verən nailiyyətlərə görə Sizi təbrik etmək istəyirəm.

Fürsətdən istifadə edərək strateji tərəfdaşlığın yaradılması ilə bağlı Birgə Bəyannamə və strateji tərəfdaşlığın həyata keçirilməsi üzrə Birgə Fəaliyyət Planına uyğun olaraq Rumıniya ilə Azərbaycan arasındakı enerji sahəsində əməkdaşlığın inkişafında maraqlı olduğumu bildirmək istəyirəm. Eyni zamanda, Sizi əmin etmək istəyirəm ki, Rumıniya bundan sonra da Cənubi Qafqazda sabitliyin və təhlükəsizliyin gücləndirilməsi, həmçinin Azərbaycan ilə Avropa və Avratlantik strukturlar arasındakı münasibətlərin inkişaf etdirilməsi istiqamətində dəstəyini əsirgəməyəcəkdir.

Əziz cənab Prezident, ən dərin ehtiramımı qəbul etməyinizi xahiş edirəm".

Serbiyanın Prezidenti Tomislav Nikoliçdən:

"Azərbaycanın milli bayramı - Respublika Günü münasibətilə Serbiya Respublikasının xalqı adından və şəxsən öz adımdan səmimi təbriklərimi, ölkənizin tərəqqisi və xalqınızın rifahı naminə ən yaxşı arzularımı Zati-alinizə çatdırmaqdan məmnunam.

Xalqlarımız arasında ənənəvi dostluq, qarşılıqlı dəstək və anlayışa əsaslanan hərtərəfli əlaqələrimiz barədə bu yaxınlarda Bakıda etdiyimiz söhbətlər mənə belə bir inam verir ki, qarşılıqlı fayda naminə bütün sahələrdə əməkdaşlığımızı inkişaf etdirmək üçün bu əlaqələrimizi uğurla davam etdirəcəyik.

Zati-aliləri, Bakıda keçirdiyimiz görüşlərin və Sizin qonaqpərvərliyinizin unudulmaz xatirələri ilə dərin ehtiramımı qəbul etmənizi xahiş edirəm".

Yunanıstanın Prezidenti Karolos Papulyasdan:

"Azərbaycanın Respublika Günü münasibətilə yunan xalqı adından və şəxsən öz adımdan Zati-alinizə ən səmimi təbriklərimi çatdırmaq istərdim.

Sizin Yunanıstana səbirsizliklə gözlədiyim rəsmi səfəriniz hər iki xalqın mənafeyi naminə ölkələrimiz arasındakı dostluq və əməkdaşlıq münasibətlərini daha da inkişaf etdirəcəkdir.

Fürsətdən istifadə edərək, qardaş Azərbaycan xalqına tərəqqi və rifah, Sizə isə möhkəm cansağlığı diləyirəm".

Litva Respublikasının Prezidenti Dalya Qribauskaytedən:

"Azərbaycanın milli bayramı - Respublika Günü münasibətilə Litva xalqı adından və şəxsən öz adımdan Sizə və xalqınıza səmimi təbriklərimi, Azərbaycanın rifahı və təhlükəsizliyi, davamlı inkişafı və əmin-amanlığı naminə ən xoş arzularımı çatdırıram.

Uzun illərdir ki, Azərbaycan regionda Avropa İttifaqının mühüm tərəfdaşıdır. Ona görə də, Azərbaycan ilə Avropa İttifaqı arasında qarşılıqlı faydalı əlaqələri daha da inkişaf etdirmək üçün Sizə və ölkənizə səmimi qəlbdən dinamik inkişaf arzulayıram.

Qarşıdakı altı ayda Litva Avropa İttifaqı Şurasına sədrlik edəcəkdir. Çox ümidvaram ki, bu ilin sonunda baş tutacaq Avropa İttifaqının Şərq Tərəfdaşlığı Sammitində ümumi nailiyyətlərimizi birləşdirib Azərbaycan ilə Avropa İttifaqı arasında daha güclü əməkdaşlıq əlaqələri qura biləcəyik.

Respublika Günü münasibətilə Sizi bir daha təbrik edirəm. Cənab Prezident, ən dərin ehtiramımı qəbul etməyinizi xahiş edirəm".

Estoniya Respublikasının Prezidenti Toomas Hendrik İlvesdən:

"Azərbaycanın milli bayramı - Respublika Günü münasibətilə Sizə ən səmimi təbriklərimi yetirirəm.

Estoniya xalqı və şəxsən mən ölkələrimiz arasında onilliklərlə inkişaf edən yaxşı əlaqələrə böyük önəm veririk. Sizi əmin etmək istəyirəm ki, Estoniya artıq malik olduğumuz güclü əlaqələri saxlamağa çalışacaqdır.

Zati-alinizə yüksək ehtiramımı qəbul etməyinizi xahiş edirəm".

Bruneyin Sultanı Hacı Həssənal Bolkiahdan:

"Ölkənizin milli bayramı - Respublika günü münasibətilə Sizə, Azərbaycan Respublikasının hökumətinə və xalqına ən səmimi təbriklərimi çatdırmaq istəyirəm.

Ölkələrimiz arasında səmimi və dostluq münasibətlərini yüksək qiymətləndirir, ikitərəfli və beynəlxalq əməkdaşlığımızın gələcəkdə daha da güclənməsinə ümid edirəm. Sizə möhkəm cansağlığı və uğurlar arzulayıram".

Şimali Kipr Türk Respublikasının Prezidenti Dərviş Əroğludan:

"Azərbaycanın milli bayramı - Respublika Günü münasibətilə Şimali Kipr Türk Respublikasının xalqı adından və şəxsən öz adımdan Zati-alinizə ən səmimi təbriklərimi çatdırır, Sizə cansağlığı, qardaş Azərbaycan xalqına isə xoşbəxtlik, sülh və çiçəklənmə arzulayıram".

İslam İnkişaf Bankı Qrupunun prezidenti Əhməd Məhəmməd Əlidən:

"Azərbaycanın Respublika Günü münasibətilə İslam İnkişaf Bankı Qrupunun adından və şəxsən öz adımdan Zati-alinizə və Azərbaycan xalqına ən səmimi təbriklərimi çatdırmaqdan məmnunluq duyuram.

Fürsətdən istifadə edərək, Zati-alinizə İslam İnkişaf Bankı Qrupunun üzv ölkələrin davamlı tərəqqisi və inkişafı naminə göstərdiyi səylərə ölkənizin verdiyi dəstəkdən məmnunluq duyduğumuzu bildirmək istərdik.

Zati-alinizi əmin etmək istəyirəm ki, İslam İnkişaf Bankı Qrupu ölkənizin sosial-iqtisadi inkişafında və Azərbaycan ilə təşkilatın digər üzv ölkələri arasındakı əməkdaşlığın gücləndirilməsində dəstəyini bundan sonra da davam etdirəcəkdir.

Zati-aliləri, ən dərin ehtiramımı qəbul etməyinizi xahiş edirəm".

Polşa Respublikasının Prezidenti Bronislav Komorovskidən:

"Polyak xalqı adından Sizi Respublika Günü münasibətilə səmimi qəlbdən təbrik edirəm.

Azərbaycan Cənubi Qafqaz regionunda Polşanın mühüm tərəfdaşı olmaqda davam etməkdədir. Müsbət əməkdaşlıq atmosferinin ticarət dövriyyəsi və sərmayələrin, həmçinin enerji layihələrinin inkişafına səbəb olacağına əminəm.

Polşa müstəqil Azərbaycanın həm daxili siyasətdə, həm də beynəlxalq arenadakı nailiyyətlərini yüksək qiymətləndirir. Ümid edirəm ki, cari ilin payız aylarında keçiriləcək Şərq Tərəfdaşlığının III Zirvəsi Azərbaycan və Avropa Birliyi arasında münasibətlərin daha da möhkəmlənməsinə təkan verəcəkdir. Avropa Birliyi ilə assosiativ müqavilə və vizasız hərəkət perspektivi rəhbərlik etdiyiniz ölkənin sosial və iqtisadi modernləşməsinə mühüm töhfə verə biləcəkdir.

Azərbaycan xalqına və şəxsən Sizə olan ən xoş arzularımı qəbul etməyinizi xahiş edirəm".

Ukrayna Prezidenti Viktor Yanukoviçdən:

"Milli bayramınız - Respublika Günü münasibətilə Ukrayna xalqı adından və şəxsən öz adımdan Sizi təbrik edirəm.

Bu gün Azərbaycan öz dövlətçiliyini möhkəmləndirir, beynəlxalq aləmdə nüfuzunu artırır, həyatın bütün sahələrində inamla yüksək göstəricilər nümayiş etdirir.

Məmnunluq hissi ilə qeyd etmək istəyirəm ki, bizim birgə səylərimiz sayəsində Ukrayna-Azərbaycan münasibətləri yüksək səviyyəyə çatmışdır. Əminəm ki, ikitərəfli əməkdaşlığın bütün mühüm istiqamətləri üzrə konstruktiv dialoqun daha da genişlənməsi hər iki dövlətin xalqlarının rifahı naminə strateji tərəfdaşlığın dərinləşməsinə şərait yaradacaqdır.

Hörmətli İlham Heydər oğlu, Sizə möhkəm cansağlığı, məsul dövləti fəaliyyətinizdə uğurlar, dost Azərbaycan xalqına sülh və firavanlıq a