Xəbərlər

İyunun 4-də Azərbaycanın təhsil naziri Mikayıl Cabbarov İsveç, Polşa və Macarıstanın ölkəmizdəki səfirləri ilə ikitərəfli görüşlər keçirib.

Nazirliyin rəsmi saytına istinadən verdiyi məlumata görə, görüşlərdə İsveç tərəfindən səfir Mikael Eriksson, Polşa tərəfindən səfir Mixal Labenda, Macarıstan tərəfindən isə səfir Jolt Çutora iştirak edib.

Görüşlər zamanı ölkələrimiz arasında təhsil sahəsində əməkdaşlığın cari vəziyyəti barədə fikir mübadiləsi aparılıb. Eyni zamanda, ikitərəfli əlaqələrin genişləndirilməsi, təcrübə və tələbə mübadiləsi, münasibətlərin hüquqi bazasının möhkəmləndirilməsi məsələləri müzakirə edilib.