Xəbərlər

Bir sıra ölkələrin dövlət başçıları Prezident İlham Əliyevə 28 May - Respublika Günü münasibətilə təbrik məktubu ünvanlayıblar.

Özbəkistan Prezidenti İslam Kərimovdan:

"Azərbaycanın milli bayramı - Respublika Günü münasibətilə səmimi təbriklərimi və ən yaxşı arzularımı qəbul edin.

Biz bu gün dövlət quruculuğunun, cəmiyyətdə islahatlar aparılmasının, ölkənin sosial-iqtisadi inkişafının bütün sahələrində Azərbaycanın sanballı nailiyyətlərinin şahidiyik. Azərbaycan suverenliyin və müstəqilliyin möhkəmlənməsinə, xalqın rifahının yaxşılaşmasına, beynəlxalq məkanda dövlətin nüfuzunun yüksəlməsinə istiqamətlənmiş dəyişiklikləri qətiyyətlə və layiqincə həyata keçirir.

Ötən ilin oktyabrında gözəl və günəşli Bakıda görüşümüzü, dostluq, etimad və tam qarşılıqlı anlaşma şəraitində keçən səmərəli danışıqlarımızı xüsusi hərarətlə xatırlayıram.

İnanıram ki, bizim əldə etdiyimiz razılaşmalar çoxplanlı və uzunmüddətli Özbəkistan-Azərbaycan əməkdaşlığının qardaş xalqlarımızım maraqları naminə gələcək inkişafı və dərinləşməsi üçün etibarlı zəmin olacaqdır.

Hörmətli İlham Heydər oğlu, bu xoş fürsətdən istifadə edərək Sizə möhkəm cansağlığı, xoşbəxtlik, dövləti fəaliyyətinizdə yeni uğurlar, dost Azərbaycan xalqına firavanlıq və çiçəklənmə arzulayıram".

Moldova Respublikasının Prezidenti Nikolaye Timoftidən:

"Azərbaycanın milli bayramı - Respublika Günü münasibətilə ən səmimi təbriklərimi qəbul edin.

Ölkənizin tarixində bu əlamətdar gündə fərəhlə qeyd etmək istəyirəm ki, Azərbaycan Respublikası öz dövlətçiliyini bərpa edəndən keçən illər ərzində müstəqilliyin möhkəmlənməsində, milli iqtisadiyyatın inkişafında və beynəlxalq aləmdə öz mövqelərinin gücləndirilməsində sanballı uğurlar qazanmışdır. Əminəm ki, Sizin Prezident kimi ali vəzifədə çoxşaxəli fəaliyyətiniz bundan sonra da dövlətinizin tərəqqisinə və xalqınızın rifahının durmadan yüksəlməsinə xidmət edəcəkdir.

Qəti əminəm ki, Moldova Respublikası ilə Azərbaycan Respublikası arasında ənənəvi dostluq münasibətləri bizim qarşılıqlı faydalı əməkdaşlığımızın daha da genişlənməsi və dərinləşməsi üçün yeni perspektivlər açır.

Hörmətli cənab Prezident, icazə verin, Sizə möhkəm cansağlığı və ölkənizin rifahı naminə yeni uğurlar, bütün dost Azərbaycan xalqına isə sülh, həmrəylik və firavanlıq arzulayım".

İordaniya Haşimilər Krallığının Kralı II Abdullahdan:

"Azərbaycanın milli bayramı - 28 May - Respublika Günü münasibətilə İordaniya Haşimilər Krallığının xalqı və hökuməti adından Sizə ən səmimi təbriklərimizi yetirirəm.

Ölkənizə və xalqınıza davamlı tərəqqi və firavanlıq arzu edirəm".

İsveçrə Konfederasiyasının Prezidenti Ueli Maurerdən:

"Azərbaycanın milli bayramı - Respublika Günü münasibətilə İsveçrə Federal Şurası adından və şəxsən öz adımdan Zati-alinizə ən səmimi təbriklərimi çatdırmaqdan, Sizə cansağlığı, ölkənizə çiçəklənmə və rifah arzulamaqdan böyük məmnunluq duyuram.

Qoy, ölkələrimiz arasındakı mövcud dostluq və əməkdaşlıq əlaqələri növbəti ildə daha da güclənsin".

Yəmən Respublikasının Prezidenti Abburabbih Mənsur Hadidən:

"Qardaş Azərbaycan xalqının milli bayramı - Respublika Günü münasibətilə Zati-alinizə xoş təbriklərimi və səmimi salamlarımı çatdırıram.

Bu əlamətdar bayram münasibətilə Sizə cansağlığı və xoşbəxtlik, qardaş Azərbaycan xalqına davamlı inkişaf, tərəqqi və çiçəklənmə arzu edirəm".

Tailand Kralı Bhumibol Adulyadejdən:

"Azərbaycanın milli bayramı - Respublika Günü münasibətilə Sizə səmimi təbriklərimi çatdırıram. Zati-alinizə xoşbəxtlik və cansağlığı, Azərbaycan Respublikasına və xalqına tərəqqi və inkişaf arzulayıram".

Həştərxan vilayətinin qubernatoru Aleksandr Jilkindən:

"Azərbaycanın milli bayramı - Respublika Günü münasibətilə Sizə və Azərbaycan xalqına şəxsən öz adımdan və bütün həştərxanlılar adından səmimi təbriklər və ən xoş arzular yetirməyə şadam.

Biz xalqlarımızın tarixi dostluğunu əziz tuturuq və bu bayramın sevincini Azərbaycan əhalisi ilə səmimi qəlbdən bölüşürük. İnanırıq ki, Həştərxan vilayəti ilə Azərbaycan Respublikası arasında qarşılıqlı hörmətə və etimada söykənən əməkdaşlıq ənənələrini gələcəkdə də birgə səylərlə fəal şəkildə genişləndirəcək, Rusiya-Azərbaycan qarşılıqlı əlaqələri çərçivəsində çoxtərəfli münasibətlərin möhkəmlənməsi üçün yeni imkanlar tapacağıq.

Sizə və Sizin gözəl ölkənizin bütün sakinlərinə səmimi qəlbdən gözəl bayram əhval-ruhiyyəsi, sağlamlıq, əmin-amanlıq və Azərbaycan dövlətinin rifahı naminə quruculuq işlərində nailiyyətlər arzulayıram".

İnquşetiya Respublikasının rəhbəri Yunusbek Yevkurovdan:

"Sizi dövlət bayramınız - Respublika Günü münasibətilə ürəkdən təbrik edirəm.

Sizin dövlətçilik mənafelərinə şəxsi sədaqətiniz, fəal həyat mövqeyiniz öz xalqına təmənnasız xidmətin parlaq nümunəsidir.

Bu gün Siz bütün qüvvənizi, biliyinizi və təcrübənizi Azərbaycan Respublikasının rifahına sərf edir, proqramları bacarıqla real işlərə çevirirsiniz. Sizin yüksək peşəkarlığınız, müasir siyasi təfəkkürünüz, məqsədyönlü işiniz respublikanın sosial-iqtisadi inkişafına, onun sakinlərinin həyat səviyyəsinin və rifahının artmasına şərait yaradır.

Sizə və Azərbaycan Respublikasının bütün sakinlərinə möhkəm cansağlığı, xoşbəxtlik və firavanlıq arzulayıram".

Rusiya Federasiyası Federal Məclisinin Federasiya Şurasının sədr müavini İlyas Umaxanovdan:

"Azərbaycanın dövlət bayramı - Respublika Günü münasibətilə səmimi təbriklərimi qəbul edin. Qardaş Azərbaycan Sizin rəhbərliyiniz ilə böyük atanızın ənənələrini davam etdirərək sosial-iqtisadi sahədə, dövlət quruculuğunda sıçrayış nümayiş etdirir, beynəlxalq məkanda nüfuzu möhkəmlənir. Rusiya ilə Azərbaycan xalqlarının bir-birinə olan dərin rəğbət və etimad hissi, çoxəsrlik dostluq ənənələri mehriban qonşuluq əlaqələrinin, uğurlu çoxplanlı işgüzar əməkdaşlığın möhkəmlənməsi, o cümlədən həm də regional səviyyədə sabitliyin və əmin-amanlığın təmin edilməsi üçün möhkəm zəmin yaradır.

Sizə cansağlığı, çoxşaxəli fəaliyyətinizdə uğurlar, qardaş Azərbaycan xalqına sülh və çiçəklənmə arzulayıram".

Yaponiyanın İmperatoru Akihitodan:

"Azərbaycanın milli bayramı - Respublika Günü münasibətilə Zati-alinizə ən səmimi təbriklərimi çatdırmaqdan və Sizə xoşbəxtlik, xalqınıza isə çiçəklənmə arzulamaqdan böyük məmnunluq duyuram".

İtaliya Respublikasının Prezidenti Ciorcio Napolitanodan:

"Milli müstəqillik günü münasibətilə İtaliya xalqı adından və öz adımdan dost Azərbaycan xalqına səmimi sülh və rifah arzularımı bildirirəm.

Ölkələrimiz arasındakı mövcud səmərəli əməkdaşlığımız güclü və dərin kökləri olan dostluq əlaqələrinə, iqtisadi və mədəni sahədə getdikcə artan münasibətlərə əsaslanır. Ölkələrimizin maraqlarına xidmət edən strateji tərəfdaşlığımızın daha da gücləndirilməsi üçün qarşılıqlı şəkildə əməkdaşlıq edəcəyimizə inanıram.

Məhz belə bir əhval-ruhiyyə ilə şəxsən Sizə və xalqınıza cansağlığı arzu edirəm".

Belarus Respublikasının Prezidenti Aleksandr Lukaşenkodan:

"Sizi və bütün Azərbaycan xalqını milli bayramınız - Respublika Günü münasibətilə ürəkdən təbrik edirəm.

Azərbaycan Respublikası öz suveren siyasətini həyata keçirməklə sanballı sosial-iqtisadi uğurlar qazanmışdır. Azərbaycanın nailiyyətləri dünya birliyi tərəfindən etiraf edilmişdir. Bakıda müntəzəm keçirilən mühüm beynəlxalq tədbirlər və görüşlər buna sübutdur.

Fürsətdən istifadə edib məmnunluqla qeyd edirəm ki, Belarus-Azərbaycan əməkdaşlığı ilbəil möhkəmlənir. Bizim şəxsi görüşlərimiz ikitərəfli qarşılıqlı əlaqələrin daha da inkişafı üçün mühüm potensial olduğunu inandırıcı şəkildə nümayiş etdirmişdir. Daimi səmərəli dialoqun dəstəklənməsinin zəruri olduğuna əminəm və tezliklə Azərbaycanda görüşəcəyimizə ümid edirəm.

Hörmətli İlham Heydər oğlu, Sizə səmimi qəlbdən möhkəm cansağlığı, xoş günlər, sülh və qardaş Azərbaycan xalqının firavanlığı naminə ali dövləti vəzifənizdə yeni zəfərlər diləyirəm".

Maldiv Respublikasının Prezidenti Məhəmməd Vahiddən:

"Müstəqilliyinizin elan edilməsinin ildönümü münasibətilə Maldiv hökuməti və xalqı adından, şəxsən öz adımdan Zati-alinizə, Azərbaycan hökumətinə və xalqına səmimi təbriklərimi və arzularımı çatdırmaq istəyirəm.

Zati-aliləri, Sizə möhkəm cansağlığı və xoşbəxtlik, Azərbaycan xalqına isə davamlı tərəqqi və rifah arzularımı qəbul etməyinizi xahiş edirəm".

Avstraliya İttifaqının General-Qubernatoru Xanım Kventin Braysdan:

"28 May - Respublika Günü münasibətilə Avstraliya hökuməti və xalqı ilə birlikdə Sizə, hökumətinizə və Azərbaycan xalqına ən səmimi arzularımı çatdırmaq istəyirəm.

Avstraliya ilə Azərbaycanın beynəlxalq sülh və təhlükəsizliyə bir çox oxşar yanaşmaları vardır. Diplomatik münasibətlərimizin qurulmasının 20-ci ildönümünü yüksək qiymətləndirərək, ölkələrimiz arasında ikitərəfli əlaqələrin inkişafına töhfə verəcək Azərbaycan səfirliyinin bu il Avstraliyada açılmasını səbirsizliklə gözləyirəm.

2013-cü ilin oktyabrında Azərbaycanda prezident seçkilərinin dinc və uğurlu keçməsini arzulayıram. Bu seçkilərdən əvvəl - 2013-cü ilin sentyabrında Avstraliyada federal seçkilər keçiriləcəkdir. Hər iki seçki bizim demokratiyaya sadiqliyimizin vacib ifadəsi olacaqdır. Avstraliya hökuməti beynəlxalq ictimaiyyətin göstərdiyi etimad nəticəsində 2013-2014-cü illər üçün BMT Təhlükəsizlik Şurasına üzv seçilmək şərəfinə layiq görülmüşdür. Biz inanırıq ki, müasir çağırışlar qlobal həll yolu tələb edir və BMT kimi çoxtərəfli təşkilatlar kollektiv həllin ən yaxşı vasitələrini təmin edirlər. Avstraliya Təhlükəsizlik Şurasının qarşısında duran problemlərin həllində Azərbaycan ilə birgə işləməyə sadiqdir və gələcək illərdə qarşılıqlı maraq doğuran məsələlər üzərində ölkənizlə çalışmaq arzusundadır. 2012-ci ildə Azərbaycanın Təhlükəsizlik Şurasına uğurlu sədrliyini və Beynəlxalq Təhlükəsizliyə Yardım Qüvvələrinin Əfqanıstandakı missiyasına verdiyi dəstəyi yüksək qiymətləndirirəm.

Əminəm ki, ölkələrimiz arasında mövcud olan dostluq münasibətləri növbəti illərdə də inkişaf edəcəkdir".

Malta Respublikasının Prezidenti Corc Abeladan:

"28 May - Respublika Günü münasibətilə Malta xalqı adından və şəxsən öz adımdan Sizə, Azərbaycan hökumətinə və xalqına səmimi salamlarımı və təbriklərimi çatdırmaqdan böyük məmnunluq duyuram.

Fürsətdən istifadə edərək Zati-alinizə möhkəm cansağlığı, Azərbaycan xalqına əmin-amanlıq və davamlı tərəqqi arzulayıram. Həmçinin ölkələrimiz arasındakı yüksək səviyyəli əlaqələrin xalqlarımızın mənafeyi naminə daha da inkişaf edəcəyinə əminliyimi ifadə etmək istəyirəm".

Vəliəhd, Baş nazirin müavini, müdafiə naziri Salman bin Əbdüləziz Al Səuddan:

"Ölkənizin milli bayramı - Respublika Günü münasibətilə Zati-alinizə ən səmimi təbriklərimi çatdırıram, Sizə cansağlığı və xoşbəxtlik, qardaş Azərbaycan xalqına daha böyük inkişaf və çiçəklənmə arzu edirəm".

TÜRKSOY-un baş katibi Düsen Kaseinovdan:

"Azərbaycanın milli bayramı - 28 May - Respublika Günü münasibətilə Zati-alinizə və bütün Azərbaycan xalqına TÜRKSOY-un Baş Katibliyi, Türkdilli Ölkələrin Mədəniyyət Nazirlərinin Daimi Şurası adından və şəxsən öz adımdan səmimi təbriklərimi çatdırıram.

Türk dünyasında qurulan ilk respublika olan və bu il yaradılmasının 95-ci ildönümünü qeyd etdiyimiz Azərbaycan Respublikası Zati-alinizin məqsədyönlü siyasəti və müdrik rəhbərliyi nəticəsində aparıcı dövlətlər arasında öz layiqli yerini tutmuş və dünyanın mədəni mərkəzlərindən birinə çevrilmişdir.

TÜRKSOY-a ən yaxın dəstəklərini əsirgəməyən Zati-alinizin diqqəti və qayğısı sayəsində zəngin Azərbaycan mədəniyyəti TÜRKSOY tərəfindən keçirilən bütün beynəlxalq tədbirlərdə ümumtürk mədəniyyətini layiqincə təmsil edir və dünya mədəniyyətinə böyük töhfələr verir.

Fürsətdən istifadə edərək, Zati-alinizə möhkəm cansağlığı, bütün təşəbbüslərinizdə uğurlar və qardaş Azərbaycan xalqına sülh, tərəqqi və firavanlıq arzu edirəm".

Niderlandın Kralı Villem-Aleksandrdan:

"Azərbaycanın milli bayramı - Respublika Günü münasibətilə Zati-alinizi təbrik edir və Azərbaycan xalqının rifahı üçün ən xoş arzularımı bildirirəm".

İsveç Kralı Karl Qustavdan:

"Azərbaycanın milli bayramı - Respublika Günü münasibətilə Zati-alinizə səmimi təbriklərimi çatdırır, Sizə cansağlığı və xoşbəxtlik, Azərbaycan xalqına isə tərəqqi arzulayıram".

Bəhreynin Kralı Həməd bin İsa Al Xəlifədən:

"Dost ölkənizin milli bayramı - Respublika Günü münasibətilə Bəhreyn Krallığının xalqı adından və şəxsən öz adımdan Sizə xoş təbriklərimizi və səmimi salamlarımızı çatdırırıq.

Bu fürsətdən istifadə edərək şəxsən Zati-alinizə cansağlığı və xoşbəxtlik, xalqınıza Sizin müdrik rəhbərliyiniz altında davamlı inkişaf və çiçəklənmə arzu edirik".

Meksika Birləşmiş Ştatlarının Prezidenti Enrike Penya Nietodan:

"Azərbaycanın milli bayramı - Respublika Günü münasibətilə Meksika hökuməti və xalqı adından, şəxsən öz adımdan səmimi təbriklərimi Sizə çatdırmaqdan böyük məmnunluq duyuram.

Sülh və inkişaf naminə xalqlarımız arasındakı əlaqələri möhkəmlətmək üçün əməkdaşlıq və anlaşma münasibətlərini gücləndirmək istiqamətində həm Hökumətimin marağını, həm də şəxsən öz arzumu Sizə çatdırmaq istərdim.

Zati-aliləri, səmimi təbriklərimi və dərin ehtiramımı qəbul etməyinizi xahiş edirəm".

Kuba Respublikası Dövlət Şurasının və Nazirlər Şurasının Sədri Raul Kastro Rusdan:

"Azərbaycanın milli bayramı - Respublika Günü münasibətilə Sizi təbrik edirəm. Zati-alinizə ən dərin ehtiramımı bildirirəm".

Filippin Respublikasının Prezidenti III Beniqno Akinodan:

"Ölkəniz və xalqınız 28 May - Respublika Gününü bayram edərkən Zati-alinizə ən səmimi təbriklərimi çatdırmaqda Filippin xalqı da mənə qoşulur.

Fürsətdən istifadə edərək Zati-alinizə bir daha bildirmək istəyirəm ki, Filippin ölkələrimiz arasında ikitərəfli əlaqələrin daha da möhkəmləndirilməsi işinə sadiqdir.

Bu əlamətdar bayram günündə əminliyimi bildirmək istəyirəm ki, Filippin və Azərbaycan siyasi, iqtisadi, mədəni sahələrdə intensiv əməkdaşlıq, xalqlarımız arasında qarşılıqlı əlaqələr sayəsində dostluq münasibətlərini inkişaf etdirəcəklər.

Zati-alinizə möhkəm cansağlığı, Azərbaycan xalqının əmin-amanlığı, tərəqqisi və rifahı naminə fəaliyyətinizdə uğurlar arzu edirəm".

İslam Əməkdaşlıq Təşkilatının baş katibi Ekmələddin İhsanoğludan:

"Əlamətdar bayram - Respublika Günü münasibətilə Sizə, Azərbaycan hökumətinə və qardaş Azərbaycan xalqına ən səmimi salamlarımı və xoş arzularımı çatdırmaq istəyirəm.

Fürsətdən istifadə edərək İslam Əməkdaşlıq Təşkilatının məqsədlərinin həyata keçirilməsində Sizin və Azərbaycan Respublikası Hökumətinin göstərdiyi dəstəyi yüksək qiymətləndirdiyimi bildirirəm.

Ulu Tanrıdan Zati-alinizin müdrik rəhbərliyi altında qardaş Azərbaycan xalqının davamlı inkişafını və çiçəklənməsini arzulayır, Sizə möhkəm cansağlığı və xoşbəxtlik diləyirəm.

Zati-aliləri, ən dərin ehtiramımı qəbul etmənizi xahiş edirəm".

Çin Xalq Respublikasının Sədri Si Tszinpindən:

"Azərbaycanın dövlət bayramı - Respublika Günü münasibətilə Çin hökuməti və xalqı adından, şəxsən öz adımdan Sizə, Sizin şəxsinizdə Azərbaycan hökumətinə və xalqına səmimi təbriklərimi və xoş arzularımı bildirirəm.

Hazırda Azərbaycanda sabit siyasi və ictimai vəziyyət, dinamik inkişaf edən iqtisadiyyat, xalqın həyat səviyyəsinin ardıcıl artması müşahidə olunur. Çin tərəfi bunu müsbət qiymətləndirir və əmindir ki, Zati-alinizin rəhbərliyi ilə Azərbaycan öz inkişafında daim yeni uğurlar qazanacaqdır.

Ölkələrimiz arasında diplomatik əlaqələr qurulmasından keçən 21 il ərzində Çin ilə Azərbaycanın dostcasına əməkdaşlıq münasibətləri çox yaxşı inkişaf edir, bütün sahələrdə tərəfdaşlığın fəal nəticələri vardır. Çin tərəfi Azərbaycan tərəfi ilə birlikdə bundan sonra da ənənəvi dostluğu möhkəmlətməyə, işgüzar əməkdaşlığı genişləndirməyə, qarşılıqlı hörmət, bərabərlik və qarşılıqlı fayda prinsipləri əsasında ölkələrimizin və xalqlarımızın rifahı naminə Çin-Azərbaycan münasibətlərini daim inkişaf etdirməyə hazırdır.

Ölkənizə firavanlıq, xalqınıza səadət diləyirəm.

Sizə möhkəm cansağlığı və rifah arzulayıram".

Hindistan Respublikasının Prezidenti Pranab Mukhercidən:

"Azərbaycanın milli bayramı - Respublika günü münasibətilə Sizə Hindistan xalqı adından və şəxsən öz adımdan ən səmimi salamlarımı və təbriklərimi çatdırmaqdan böyük məmnunluq hissi duyuram.

Hindistan və Azərbaycan xalqları arasındakı dostluq münasibətləri möhkəm tarixi və mədəni əlaqələrə söykənir. Əminəm ki, çoxtərəfli qarşılıqlı əlaqələrimiz xalqlarımızın mənafeyi naminə daha da inkişaf edəcəkdir. Hindistan Azərbaycan ilə əməkdaşlığın intensivləşdirilməsini arzu edir.

Cənab Prezident, Sizə möhkəm cansağlığı və xoşbəxtlik, Azərbaycan xalqına isə firavanlıq və inkişaf arzulayıram.

Zati-aliləri, ən dərin ehtiramımı qəbul etməyinizi xahiş edirəm".

Qazaxıstan Respublikasının Prezidenti Nursultan Nazarbayevdən:

"Azərbaycanın dövlət bayramı - Respublika Günü münasibətilə səmimi təbriklərimi qəbul edin.

Sizin rəhbərliyinizlə ölkə daxilində həyata keçirilən genişmiqyaslı sosial-iqtisadi dəyişikliklərin və tarazlaşdırılmış xarici siyasətin uğurları Qazaxıstanda yaxşı məlumdur.

Qazaxıstan ilə Azərbaycan arasında dostluğun və əməkdaşlığın möhkəmlənməsinə Sizin şəxsi töhfənizi dəyərləndirirəm. Əminəm ki, qarşılıqlı etimada və dəstəyə əsaslanan strateji tərəfdaşlığımız bundan sonra da hər iki ölkənin xalqlarının rifahı naminə uğurla inkişaf edəcəkdir.

Hörmətli İlham Heydər oğlu, fürsətdən istifadə edib Sizə möhkəm cansağlığı və dövləti fəaliyyətinizdə uğurlar, qardaş Azərbaycan xalqına isə firavanlıq və tərəqqi arzulayıram".

Tacikistan Respublikasının Prezidenti Emoməli Rəhmondan:

"Azərbaycan Respublikasının milli bayramının ildönümü münasibətilə Sizi və bütün Azərbaycan xalqını təbrik etməkdən və ən xoş arzularımı bildirməkdən böyük məmnunluq hissi duyuram.

Tacikistan ilə Azərbaycan arasında qarşılıqlı faydalı əməkdaşlıq əlaqələrinin bütün istiqamətlər üzrə inkişaf dinamikasından çox məmnun olduğumuzu vurğulamaq istərdim. Əminəm ki, yaranmış ənənəvi ikitərəfli dostluq münasibətləri xalqlarımızın rifahı naminə bundan sonra da inkişaf edəcək və dərinləşəcəkdir. Tacikistan öz tərəfindən ölkələrimiz arasında əməkdaşlığın möhkəmlənməsi və genişlənməsi üçün zəruri olan bütün tədbirləri görmək əzmindədir.

Hörmətli İlham Heydər oğlu, bu əlamətdar gündə Sizə möhkəm cansağlığı və böyük uğurlar, qardaş Azərbaycan xalqına isə sülh, əmin-amanlıq və firavanlıq diləyirəm".

Qırğız Respublikasının Prezidenti Almazbek Atambayevdən:

"Qırğız xalqı adından və şəxsən öz adımdan Azərbaycan Respublikasının dövlət bayramı - Respublika Günü münasibətilə səmimi təbriklərimi qəbul edin!

Azərbaycan Respublikası özünün məqsədyönlü strategiyasının uğurla həyata keçirilməsi sayəsində sosial-iqtisadi inkişafda sanballı nailiyyətlər nümayiş etdirir, beynəlxalq aləmdə öz nüfuzunu ardıcıl surətdə möhkəmləndirir.

Potensialı böyük perspektivlərə malik olan Qırğız-Azərbaycan əməkdaşlığının inkişafına Sizin şəxsi töhfənizi yüksək qiymətləndirirəm.

Əminəm ki, Qırğız Respublikası ilə Azərbaycan Respublikası arasında iqtisadi əlaqələrin daha da genişləndirilməsi və möhkəmləndirilməsi qarşılıqlı faydalı tərəfdaşlığa şərait yaradacaqdır.

Hörmətli İlham Heydər oğlu, fürsətdən istifadə edib Sizə möhkəm cansağlığı, firavanlıq və uğurlar, Azərbaycan xalqına isə sülh, həmrəylik və tərəqqi diləyirəm".

İrlandiyanın Prezidenti Maykl Higginsdən:

"Respublika Günü münasibətilə Zati-alinizə səmimi təbriklərimi və xoş arzularımı çatdırmaqda İrlandiya xalqı da mənə qoşulur.

Fürsətdən istifadə edərək Azərbaycan xalqına xoşbəxtlik və rifah arzulayıram".

Portuqaliya Respublikasının Prezidenti Anibal Kavaku Silvadan:

"Azərbaycanın milli bayramı - Respublika Günü münasibətilə Zati-alinizə səmimi təbriklərimi çatdırır, Sizə cansağlığı, Azərbaycan xalqına tərəqqi və çiçəklənmə arzulayıram".

Koreya Respublikasının Prezidenti xanım Pak Kın Hedən:

"Azərbaycanın milli bayramı - Respublika Günü münasibətilə Koreya Respublikasının Hökuməti, xalqı adından və şəxsən öz adımdan Sizə, həmçinin Azərbaycan xalqına və hökumətinə ən səmimi təbriklərimi və xoş arzularımı çatdırmaq istəyirəm.

Son illərdə ölkələrimiz arasında qarşılıqlı anlaşma və əməkdaşlıqda əhəmiyyətli inkişaf baş vermişdir. Ümidvaram ki, ölkələrimiz arasındakı yüksək səviyyəli dostluq əlaqələri xalqlarımızın mənafeyi naminə bundan sonra da inkişaf edəcəkdir.

Zati-aliləri, Sizə möhkəm cansağlığı və xoşbəxtlik, ali dövləti fəaliyyətinizdə uğurlar diləyimi və ən xoş arzularımı qəbul etmənizi xahiş edirəm".

Pakistan İslam Respublikasının Prezidenti Asif Əli Zərdaridən:

"Azərbaycanın milli bayramı - Respublika Günü münasibətilə ən səmimi təbriklərimi Sizə və Azərbaycan xalqına çatdırmaqdan böyük məmnunluq hissi duyuram.

Əminəm ki, ölkələrimiz arasındakı mövcud yüksək səviyyəli əməkdaşlıq gələcəkdə qardaşlıq münasibətlərimizi daha da möhkəmləndirəcək və xalqlarımıza firavanlıq gətirəcəkdir.

Fürsətdən istifadə edərək Zati-alinizə cansağlığı və xoşbəxtlik, dost Azərbaycan xalqına isə tərəqqi və çiçəklənmə arzulayıram.

Zati-aliləri, ən dərin ehtiramımı qəbul etmənizi xahiş edirəm".

Xorvatiya Respublikasının Prezidenti İvo Yosipoviçdən:

"Azərbaycanın milli bayramı - Respublika Günü münasibətilə Xorvatiya xalqı adından və şəxsən öz adımdan ən səmimi təbriklərimi Sizə və Azərbaycan xalqına çatdırmaqdan məmnunam, ölkənizə və vətəndaşlarınıza firavanlıq arzulayıram. Əminəm ki, ölkələrimiz arasındakı dostluq və tərəfdaşlıq daha da inkişaf edəcəkdir. Bu yaxınlarda keçirdiyimiz səmimi görüş bu məqsədə töhfə vermişdir.

Zati-aliləri, ən dərin ehtiramımı qəbul etməyinizi xahiş edirəm".

Roma Papası Frensisdən:

"Azərbaycan Respublikasının milli bayramı münasibətilə Sizə və xalqınıza səmimi təbriklərimi çatdırıram. Tanrıdan diləyirəm ki, hər bir bəndəsinə xoşbəxt və mehriban ailədə yaşamaq nəsib etsin.

Zati-aliləri, Sizə, ölkənizin siyasi rəhbərliyinə və xalqınıza Ulu Tanrıdan bol-bol xeyir-dua diləyirəm".

Belçikanın Kralı II Albertdən:

"Azərbaycan Respublikasının milli bayramını qeyd etdiyiniz bir vaxtda mən də bu münasibətlə Sizə və Azərbaycan xalqına səmimi təbriklərimi yetirir, rifah və firavanlıq arzulayıram".

Almaniya Federativ Respublikasının Prezidenti Yoaxim Qaukdan:

"Respublika Günü münasibətilə Sizə və xalqınıza həm öz adımdan, həm də xalqımın adından səmimi təbriklərimi çatdırıram.

Almaniya-Azərbaycan münasibətləri ölkələrimiz arasında diplomatik əlaqələrin qurulmasından ötən 20 ildən artıq müddət ərzində bir çox sahələrdə birgə maraqlar və qarşılıqlı ehtiram zəminində daha da genişlənmiş və inkişaf etmişdir. Azərbaycan Avropa İttifaqının "Şərq tərəfdaşlığı" Proqramı çərçivəsində Almaniyanın və Avropanın ən vacib tərəfdaşıdır.

Almaniya Azərbaycanı demokratiyanın inkişafı, hüquqi dövlət quruculuğu və Avropaya inteqrasiya yolunda gələcəkdə də qəti surətdə dəstəkləyəcəkdir. Bütün siyasi məsələlərdə tərəfdaşlar arasında açıq dialoqun aparılmasını vacib hesab edirik.

Sizə uğurlar, habelə Azərbaycan xalqına parlaq gələcək, sülh, tərəqqi və firavanlıq arzu edirəm".

İki Müqəddəs Məscidin Xadimi, Səudiyyə Ərəbistanının Kralı Abdullah bin Əbdüləziz Al Səuddan:

"Ölkənizin milli bayramı münasibətilə Səudiyyə Ərəbistanı Krallığının xalqı və hökuməti adından, şəxsən öz adımızdan Zati-alinizə ən səmimi təbriklərimizi çatdırırıq.

Sizə cansağlığı və xoşbəxtlik, qardaş Azərbaycan xalqına davamlı inkişaf və çiçəklənmə arzu edirik".

Avstriya Respublikasının Federal Prezidenti Haynts Fişerdən:

"Azərbaycanın milli bayramı - Respublika Günü münasibətilə Sizə ən səmimi təbriklərimi çatdırmaq mənə xoşdur.

Fürsətdən istifadə edərək Sizə cansağlığı, Azərbaycan xalqına xoşbəxt gələcək arzu edirəm".