Xəbərlər

Buna qədər 4 müxtəlif seçim mərhələsindən keçmiş hakimliyə namizədlər bu dəfə şifahi imtahan veriblər.

Məhkəmə Hüquq-Şurasından  verilən məlumata görə, birillik tədris kursunu, o cümlədən məhkəmələrdə stajkeçməni başa vurmuş 76 nəfər hakimliyə namizədlə tədrisin nəticələri üzrə şifahi imtahanlar başlayıb.

İmtahanların iyun ayının 3-dək davam edəcəyi gözlənilir.

Qeyd edək ki, test üsulu ilə, habelə yazılı və şifahi imtahanlardan müvəffəqiyyətlə keçərək 1 il müddətində davam edən tədris kursunu, o cümlədən məhkəmələrdə stajkeçməni başa vurmuş 76 nəfər hakimliyə namizədin peşə hazırlığının yoxlanılması məqsədilə mayın 3-də şəffaf prosedurlar əsasında yazılı imtahan keçirilmiş, imtahanın nəticələri Hakimlərin Seçki Komitəsi tərəfindən yoxlanıldıqdan sonra bütün namizədlər tədrisin yekunları üzrə şifahi imtahana buraxılmışdılar.