Xəbərlər

Mayın 15-də Bakıda və Abşeron yarımadasının bəzi yerlərində havanın temperaturu 28 dərəcəyədək yüksələcək.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev deyib ki, mayın 14 və 15-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin mayın 14-də səhər yarımadanın bəzi yerlərində qısamüddətli yağış yağacaq.

Mayın 14-də havanın temperaturu gecə 12-17, gündüz 20-25 dərəcə isti olacaq. Lakin mayın 15-də temperatur bəzi yerlərdə 28 dərəcəyədək yüksələcək.

Yaxın iki gün ərzində Bakıda və Abşeron yarımadasında hava şəraiti meteohəssas insanlar üçün əlverişli olacaq.

Azərbaycanın bölgərində mayın 14-də şimşək çaxaçaq, qısamüddətli yağış yağacaq. Gündüz yağıntı tədricən kəsiləcək. Səhər ayrı-ayrı yerlərdə duman müşahidə ediləcək. Mülayim şərq küləyi əsəcək.

Havanın temperaturu Aran rayonlarında gecə 11-16, gündüz 21-26 dərəcə isti təşkil edəcək. Dağlarda gecə 3-8, gündüz 11-16 dərəcə isti olacağı gözlənilir.

Mayın 15-də hava əsasən yağmursuz olacaq. Mülayim şərq küləyi əsəcək.

Havanın temperaturu Aran rayonlarında gecə 10-15, gündüz 20-25 dərəcə isti təşkil edəcək. Dağlarda gecə 3-8, gündüz 10-15 dərəcə isti olacağı gözlənilir.