Xəbərlər

Ötən il Azercell-in baş sponsorluğu ilə keçirilmiş "Eurovision" mahnı müsabiqəsi bu il İsveçin Malmö şəhərində təşkil ediləcək. Builki müsabiqənin baş sponsoru isə Azercell-in də daxil olduğu "TeliaSonera" şirkətlər qrupudur.

"TeliaSonera"nın dəstəyi ilə müsabiqənin 100 milyondan çox tamaşaçısı dünyanın 40-dan çox ölkəsindən yarışmanı internet və media platformaları üzərindən də izləyə biləcək. "TeliaSonera" bir neçə il bundan öncə də İsveçdə keçirilən yarışmada yaxından iştirak etmişdi. Bu dəfə isə şirkət irəliyə doğru növbəti addım ataraq 100 milyonlarla insanı öz qabaqcıl texniki həlləri vasitəsilə bir-birinə daha yaxın etmək niyyətində olduğunu bildirib.

"TeliaSonera" ailəsinin üzvlərindən biri olan "Azercell" isə bu il də "Eurovision"dan kənarda qalmır. Belə ki, mahnı yarışması ərəfəsində Azercell-liləri bir çox maraqlı layihələr, əyləncəli yarışmalar gözləyir. Ən əsası isə 6 "Azercell" abunəçisi Malmödə keçiriləcək mahnı müsabiqəsinin finalında iştirak etmək imkanı qazanacaq. Onlar musiqi bayramının içində olmaq, səhnədə baş verənləri canlı izləmək şansı əldə edəcəklər. Səyahətlə bağlı bütün xərclər "Azercell" şirkəti tərəfindən ödəniləcək.

Azercell-in rəsmi "Facebook" səhifəsində aprelin 26-dan etibarən tətbiq edilməyə başlanılan və aprelin 28-də bitəcək oyunun 3 qalibi hərəyə 2 bilet əldə edəcək.

Daha ətraflı www.facebook.com/azercell səhifəsində