Xəbərlər

Azərbaycan Milli Elmlər Akademiyasının nəzdində universitet və gimnaziya yaradıla bilər. Bunu AMEA-nın prezidenti Akif Əlizadə çərşənbə günü jurnalistlərə deyib.

"Bunlar hamısı böyük gələcəyin işidir. Bu məsələlər hələ öyrənilməli, təhlil edilməlidir. Daha sonra tədricən həyata keçirilməlidir",- Əlizadə deyib.

O qeyd edib ki, bu universitetdə bir cox sahələr üzrə kadr hazırlığı aparıla bilər. Burada həm də humanitar, təbiət elmləri, texniki sahələri üzrə kadr hazırlanması mümkündür.

Əlizadənin sözlərinə görə, AMEA-da magistratura səviyyəsi üzrə kadr hazırlığının aparılması nəzərdə tutulur.