Xəbərlər

Fevralın 22-dən martın 8-dək Kiçik QalArt qalereyasında “Azərbaycan - təzadlar ölkəsi” mövzusunda fotosərgi təşkil ediləcəkdir. 

Azərbaycanda Fransız İnstitutu və Bakı-Frankofonlar Assosiasiyası tərəfindən təşkil olunacaq sərgidə Fransanın həvəskar fotoqraflarının çəkdikləri yüzə yaxın fotoşəkil nümayiş olunacaqdır. Bu fotoşəkillər keçən il assosiasiya tərəfindən təşkil olunmuş müsabiqə zamanı seçilmişdir. 

Fotolarda Bakıda yaşayan fransızların və frankofonların gözü ilə Odlar Yurdunun və onun paytaxtının gözəl yerləri, insanları və onların gündəlik həyatı əks etdirilir.