Xəbərlər

Cənubi Koreyanın prezidenti Pak Kın Xe birləşmə məsələləri üzrə nazir postuna Şimali Koreya problemləri üzrə mütəxəssis Lyu Kilcenin namizədliyini irəli sürüb. RİA Novostoyə istinadən yaydığı məlumata görə, bunu bazar günü prezident administrasiyasının rəsmisi jurnalistlərə bildirib.

Məlumatda deyilir ki, Lyu Kilcenin namizədliyini parlament təsdiqləməlidir. Hazırda Lyu Kilce Seul Milli Universitetinin professorudur.

Qeyd edək ki, Pak Kın Xe yeni nazirlər kabineti formalaşdırır. Ötən ilin 19 dekabr tarixində keçirilmiş seçkilərdə qalib gələn Pak Kın Xe Cənubi Koreya tarixində ilk qadın prezident seçilib.