Xəbərlər

Yaxın vaxtlarda Macarıstanın bəzi yüksək vəzifəli şəxsləri Azərbaycana səfər edəcəklər. Bu barədə cümə günü bu ölkənin səfirliyindən bildirilib.

Martın 11-14-də Macarıstanın kənd inkişafı naziri Gyula Budainin rəhbərlik etdiyi nümayəndə heyəti Bakıya gələcək. Dövlət və biznes sektorunun nümayəndələrinin daxil olduğu heyət Azərbaycan-Macarıstan hökumətlərarası komissiyasının Kənd təsərrüfatı alt komitəsinin ilk görüşündə iştirak edəcək.

Bundan başqa, martın 15-17-də Macarıstanın milli iqtisadiyyat naziri Pal Völner, yaxın gələcəkdə isə iqtisadi inkişaf naziri Nemet Laslone Bakıya səfər edəcəklər.

"Macarıstan "Nabucco West" layihəsinə çox maraq göstərir. Layihə bizim üçün çox maraqlıdır və Avropanın enerji təhlükəsizliyinin təmin olunması üçün vacibdir. Biz Azərbaycanın dəstəyinə ümid edirik", - səfirlikdən deyiblər.