Xəbərlər

Azərbaycanın Gürcüstandakı İş Adamları Birliyi (AZEBİ) Tbilisidəki Milli Kitabxananın binasında 2013-cü il təqviminin təqdimatını keçirmişdir.

Azərbaycanın Gürcüstandakı İş Adamları Birliyi (AZEBİ) Tbilisidəki Milli Kitabxananın binasında 2013-cü il təqviminin təqdimatını keçirmişdir.

AZEBİ-nin icraçı direktoru Qaratel Allahverdiyeva xüsusi müxbirinə bildirmişdir ki, təqvim Qurban Səidin gürcü qızı Nino Kipiani və azərbaycanlı oğlan Əli xan Şirvanşirin məhəbbətindən bəhs edən “Əli və Nino” romanı əsasında tərtib olunmuşdur. O, qeyd etmişdir ki, Gürcüstan Mədəniyyət və Abidələrin Mühafizəsi Nazirliyi burada həmin əsərə çəkilmiş rəsmlərin sərgisini təşkil etmişdir. Biz də bu fürsətdən istifadə edib təqvimin təqdimatını keçirdik.

Q.Allahverdiyeva təqvimdə sərgidə nümayiş etdirilən rəsmlərdən istifadə olunduğunu və təqvimin Gürcüstanda akkreditə olunmuş diplomatik missiyalara, müvafiq strukturlara da hədiyyə edildiyini demişdir.

Gürcüstan Mədəniyyət və Abidələrin Mühafizəsi Nazirliyinin əməkdaşı Ramilə Əliyeva iştirakçıları belə bir sərginin təşkili ilə paralel olaraq nəfis şəkildə tərtib olunmuş təqvimin təqdimatını təqdirəlayiq saydığını bildirmişdir.

Təqvimin rəssamı Teymuraz Andriaşvili “Əli və Nino” romanını oxuduqdan sonra bu əsərlərini işlədiyini və onların belə bir təqvimdə istifadə olunmasından qürur duyduğunu qeyd etmişdir.