Xəbərlər

Azərbaycanın işğal olunmuş Dağlıq Qarabağ ərazisindəki Xocalı aeroportunu açmaqla bağlı Ermənistanın planları təxribatdır.
 Türkiyənin nüfuzlu “Haber Türk“ saytına istinadla xəbər verir ki, bu sözləri Fransa Senatının üzvü xanım Natali Qule demişdir. Senator hesab edir ki, Ermənistanın Xocalı aeroportunu açmaq addımı münaqişənin sülh yolu ilə həllinə böyük zərbə vuracaqdır. 
Azərbaycan torpaqlarının 20 faizinin Ermənistan tərəfindən işğal olunduğunu vurğulayan N.Qule demişdir: “Xocalı faciəsi də əsl soyqırımıdır”.
“Mən özümü Azərbaycanın fəxri vətəndaşı hesab edirəm. Buna görə də Azərbaycanı istənilən platformada müdafiə etmək və tanıtmaq üçün əlimdən gələni edəcəyəm”, - deyə Fransa senatoru vurğulamışdır.