Xəbərlər

Azərbaycan Respublikası Dövlət Neft Şirkətinin (ARDNŞ) Geofizika və geologiya idarəsi Xəzər dənizində seysmik işlər aparmışdır.
“Bahar Energy Operating Company LTD” əməliyyat şirkətinin sifarişi əsasında Kəşfiyyatgeofizika idarəsinin 1 saylı dəniz ekspedisiyası Xəzər dənizinin “Bahar-2” sahəsində yerinə yetirilən üçölçülü seysmik kəşfiyyat işlərini uğurla başa çatdırmışdır. Seysmik işlər “Aram Aries” tipli seysmik stansiya, ona aid dəniz dibi telemetrik hörük və avadanlıqlarla, “Geofizik-1”, “Geofizik-3” elmi-tədqiqat, “Aura” yedək gəmiləri və müvafiq qayıqlar vasitəsi ilə yerinə yetirilmişdir. Alınmış materialların keyfiyyəti qənaətbəxşdir və sifarişçi tərəfindən tam qəbul olunmuşdur. 
Qeyd edək ki, bu kimi seysmik işlərin gələcəkdə Xəzər dənizinin digər sahələrində də davam etdirilməsi planlaşdırılır.