Xəbərlər

“Debüt” studiyası “Alo, mənəm” bədii qısametrajlı filmlə tamaşaçıların qarşısına çıxmağa hazırlaşır. 
Mədəniyyət və Turizm Nazirliyinin mətbuat xidmətindən AzərTAc-a bildirmişlər ki, artıq ekran əsərinin üzərində montaj işləri aparılır. 
Yelena Andreyevanın “Alo, mənəm” hekayəsi əsasında çəkilən filmin bədii rəhbəri Xalq Artisti Eldar Quliyev, ssenari müəllifi Yelena Andreyeva, quruluşçu rejissoru Nonna Müzəffərova, quruluşçu operatoru Əli Sultanov, quruluşçu rəssamı Rövşən Mehdiyev, qrimçisi Adilə Məmmədova, icraçı prodüseri Əlibala Rəhimov, prodüseri Fuad Əzizovdur. 
Ekran əsərində əməkdar artistlər Sonaxanım Mikayılova, Abbas Qəhrəmanov, aktyorlar Mətanət Abbaslı, Rafiz Mehdizadə rol almışlar.