Xəbərlər

Akademik Mahmud Kərimovla vida mərasimi fevralın 11-i saat 15.00-dan başlayaraq Azərbaycan Milli Elmlər Akademiyasının (AMEA) əsas binasında keçiriləcək. Bu barədə  AMEA-dan bildiriblər.

Akademiyanın prezidenti Mahmud Kərimovun Fəxri Xiyabanda dəfn olunması gözlənilir.

Xatırladaq ki, AMEA prezidenti Mahmud Kərimovun bazar günü vəfat edib. O bir müddət sürən xəstəlikdən sonar qəfil ürəktutmasından dünyasını dəyişib.

Mahmud Kərimov 18 oktyabr 1948-ci ildə İrəvan şəhərində anadan olmuşdu. Azərbaycan Dövlət Universitetinin Fizika fakültəsini bitirmişdi. Yarımkeçicilər və dielektriklər fizikası ixtisası üzrə doktorluq dissertasiyası müdafiə edib. 2001-ci ildə Azərbaycan Milli Elmlər Akademiyasının həqiqi üzvü seçilib, həmin ildən Azərbaycan Milli Elmlər Akademiyasının prezidenti olub.