Xəbərlər

Azərbaycan Teatr Xadimləri İttifaqında (ATXİ) rejissorlar laboratoriyası yaradılacaqdır. 
İttifaqdan  bildirmişlər ki, laboratoriya yaxın günlərdə fəaliyyətə başlayacaqdır. ATXİ-in sədri, Xalq Artisti Azərpaşa Nemətov vurğulamışdır ki, laboratoriyaya tanınmış rejissor Xalq Artisti Cənnət Səlimova rəhbərlik edəcəkdir. Yeni laboratoriya ötən il keçirilmiş “Mirzə Fətəli Axundzadə dərsləri” adlı layihənin bir növ davamı olaraq yaradılacaqdır.
ATXİ-in sədri demişdir ki, əsas məqsədimiz gənc rejissorları laboratoriyaya cəlb etməkdir. Dramaturq dərslərinin iştirakçıları tərəfindən seçilən əsərlər gənc rejissorların laboratoriyasında oxunacaqdır. Onlar orada seçimlərini edəndən sonra isə həmin əsərləri teatr studiyalarında tamaşaya qoyacaqlar.